بەهای دۆلار دابەزی
وێستگەنیوز_
بەیانی ئەمڕۆ بەهای دۆلاری ئەمریکی بەرامبەر دیناری عێراقی دابەزینی بەخۆیەوە بینی.
ئەمڕۆ چوارشەممە لە بازاڕی دۆلارەکەی سلێمانی 100 دۆلاری ئەمریکی بەرامبەر بە 149 هەزار و 650 دیناری عێراقی بوو.
دابەزینی نرخی دۆلار ماوەی دوو رۆژە بەردەوامی هەیە و بەراورد بە سەرەتای مانگی 11، بە نزیکەیی دوو هەزار دینار لە نرخەکەی دابەزیوە؛ ئەمەش کاریگەری راستەوخۆی لەسەر دۆخی هاوڵاتیان، شتومەک و نرخی کاڵاکان هەیە.
هاوکات، عەلی عەلاق پارێزگاری بانکی ناوەندیی عێراق رایگەیاندووە، لە ساڵی داهاتوودا شێوازێكی نوێ بۆ حەواڵەی پەیوەست بە هاوڵاتیان دەستپێدەكەن هاوشێوەی ئەو هەنگاوەی بۆ حەواڵەی بازرگانی گرتیانە بەر.
ئاشکراشیکرد، دۆخی نەختینەی عێراق لە ئاستێکی زۆر باشدایە و قەبارەی یەدەگی بیانیش زیادیکردووە.
AM:11:02:27/11/2024
ئه‌م بابه‌ته 3124
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت