سه‌ركه‌وتنه‌كه‌ی تره‌مپ نرخی زێڕی دابه‌زاند
وێستگه‌نیوز-
سه‌ركه‌وتنه‌كه‌ی دۆناڵد تره‌مپ كاندیدی كۆمارییه‌كان له هه‌ڵبژاردنی سه‌رۆكایه‌تی ئه‌مریكادا به‌های زێڕی به‌شێوه‌یه‌كی به‌رچاو دابه‌زاند به جۆرێك هه‌ر ئۆنسه‌یه‌ك زیاتر له 70 دۆلار له نرخه‌كه‌ی له‌ده‌ست دا.
دوێنێ هه‌ڵبژاردنی سه‌رۆكایه‌تی ئه‌مریكا ئه‌نجامدرا كه به‌پێی ئه‌نجامه به‌راییه‌كان دۆناڵد تره‌مپ، كاندیدی كۆمارییه‌كان 277 ده‌نگی كۆلیژی هه‌ڵبژاردنی به‌ده‌ست هێناوه و پۆستی سه‌رۆكایه‌تیی مسۆگه‌ر كردووه.
وه‌ك پێشبینی ده‌كرا هه‌ڵبژاردنه‌وه‌ی تره‌مپ به سه‌رۆكی ئه‌مریكا كاریگه‌ری له‌سه‌ر دۆخی ئابووری دروست كرد و به‌های زێڕی به‌شێوه‌یه‌كی به‌رچاو دابه‌زاند به‌جۆرێك ئێوارەی ئەمڕۆ نرخی زێڕ 73 دۆلار بۆ هەر ئۆنسەیەک دابەزی و ئێستا ئۆنسەیەک بە دوو هەزار و 666 دۆلارە.
هاوكات بەهۆی سەرکەوتنی دۆناڵد ترەمپ لە هەڵبژاردنی سەرۆکایەتیی ئەمریکا، نرخی دۆلار بەرامبەر بە دراوە جیهانییەکان گەیشتە بەرزترین ئاستی 4 مانگی رابردوو.
PM:09:55:06/11/2024
ئه‌م بابه‌ته 824
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت