ئەمڕۆ 13 وەزارەت و ئەنجومەنی دادوەریی مووچەی مانگی تەمموز وەردەگرن
وێستگه‌نیوزـ
بە پێی خشتەی وەزارەتی دارایی، ئەمڕۆ چوارشەممە 4ی ئه‌یلولی 2024، مووچه‌ی مانگی ته‌مموزی 13 وه‌زاره‌ت و ئه‌نجومه‌نی دادوه‌ری دابه‌ش ده‌كرێت.
ئه‌و وه‌زاره‌تانه‌ی ئه‌مڕۆ به‌پێی خشته‌كه مووچه وه‌رده‌گرن له‌م وه‌زاره‌تانه پێكهاتووه، کار و کاروباری کۆمەڵایەتی، دارایی، ناوخۆ، پەروەردە، داد، ئەوقاف، کاروباری شەهیدان، بازرگانی، سامانە سروشتییەکان، گواستنەوە، کشتوکاڵ، شارەوانی و پلاندانان.
هەر ئەمڕۆ مووچەی ئەنجومەنی دادوەریش دابەش دەکرێت و بڕیارە سبەینێ دابەشکردنی مووچەی مانگی تەمووز کۆتایی بێت.
پێشتریش وەزارەتی دارایی رایگەیاندبوو، کە 120 هەزار بەشداربووی "هەژماری من" لە رێی ئامێری پارەڕاکێشانەوە مووچە وەردەگرن و ئەمڕۆ پارەکە دەخرێتە سەر هەژمارەکانیان.
AM:09:09:04/09/2024
ئه‌م بابه‌ته 780
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت