رۆمانێکی چۆمان هەردی لە بەریتانیا جێگای سەرنجی خوێنەرانە
وێستگەنیوز-
رۆمانێکی ژنە نوسەر و
شاعیری کورد، چۆمان هەردی بە ناوە "دیوارەکان دەچرپێنن" (Whispering Walls) دوای تێپەڕبوونی سێ ساڵ بەسەر
بڵاوبوونەوەیدا، هێشتا لە بەریتانیا جێگەی سەرنجی خوێنەرانە و لە ریزی پێشەوەی پڕفرۆشترینەکاندا
ماوەتەوە.
ئەم رۆمانە لەم هەفتەیەدا
لەلایەن یەکێک لە ناوەندە کلتوورییە دیارەکانی بەریتانیاوە وەک "کتێبی هەفتە"
دەستنیشان کرا.
ناوەندی (A Gallery & Bookshop) لە نوێترین راگەیەندراویدا ڕۆمانی "دیوارەکان دەچرپێنن"ی
وەک هەڵبژاردەی یەکەمی خۆی بۆ ئەم هەفتەیە ناساند. ناوەندەکە ئاماژەی بەوە کردووە
کە ئەم بەرهەمە هێشتا یەکێکە لە پڕفرۆشترین کتێبەکانی دەزگای چاپ و پەخشی (Afsana Press)، کە ئەمەش مانەوە و کاریگەریی قووڵی بەرهەمەکە لەناو خوێنەرانی ئینگلیزیدا
دەسەلمێنێت.
ڕووداوەکانی ڕۆمانەکە
لە سەروبەندی داگیرکاریی ئەمریکا بۆ سەر عێراق لە ساڵی 2003دا دەست پێدەکات. چیرۆکەکە
بە دەوری ژیانی سێ خوشک و برادا دەسوڕێتەوە کە بەسەر دوو وڵاتدا دابەش بوون؛ دووانیان
لە تاراوگە (لەندەن) دەژین و ئەوەی تریان لە ناوخۆی کوردستان (سلێمانی) ماوەتەوە.
ئەم سێ کەسایەتییە لەگەڵ بیستنی هەواڵی نزیکبوونەوەی جەنگێکی نوێدا، دەگەڕێنەوە بۆ
ڕابردووە پڕ لە کێشمەکێشەکەیان و یادەوەرییە درزتێبووەکانیان، تاوەکو گرێ کوێرەکانی
خێزانەکەیان بکەنەوە.
PM:05:48:25/03/2026
ئهم بابهته 448
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت