گۆرانیبێژی میللی سامان زیرەک کۆچی دوایی کرد
وێستگەنیوز_راژان رزگار
گۆرانیبێژی میللی سامان زیرەک، بە هۆی نەخۆشی شێرپەنجەی جگەرەوە کۆچی دوایی
کرد.
ئەمڕۆ هەینی 3ی نیسانی 2025، جەزا ساز، سەرۆکی کۆمەڵەی هونەرە میللیەکانی
کوردستان لە میانەی لێدوانێکیدا بۆ ویستگەنیوز رایگەیاند، "هۆکاری
گیانلەدەستدانی سامان زیرەک دەگەڕێتەوە بۆ تووشبوونی بە نەخۆشی شێرپەنجەی جگەر، دواجار
ئەمڕۆ لە شاری هەولێر ماڵئاوایی لێکردین و گیانی سپارد."
ئاماژەی بەوەشدا و وتی، "لە مانگی شووباتی ئەمساڵدا لە سەردانێکمدا بۆ
نەخۆشخانە لە نزیکەوە چاوم پێکەوت و لە دۆخی تەندرووستیم پرسی و پێی وتم، داوای
نزای خێر لە تۆ و خەڵکی دەکەم."
ئەمەش لە کاتێکدایە، سامان
زیرەک یەکێکە لەو گۆرانیبێژە میللییانەی بە وتنەوەی گۆرانییەکانی هونەرمەندی کۆچکردووی دیاری کوردستان، حەسەن زیرەک ناسرا و ناوبانگی دەرکرد.
AM:11:43:05/04/2025
ئه‌م بابه‌ته 252
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت