لە شاری سڵیمانی پانێڵێك بۆ هونەرمەند ئەنوەر قەرەداغی سازکرا

وێستگەنیوز_راژان رزگار

لە شاری سلێمانی بە ناونیشانی، "لە نێوان نەغمەی ئاواز و ئەزموونی میدیادا" پانێڵێک بۆ ئەنوەر قەرەداغی، هونەرمەند و موزیسیان سازکراو تێیدا باس لە رەنگدانەوەی ژیان و کارە هونەرییەکانی کرا.

ئەنوەر قەرەداغی، هونەرمەند و موزیسیان لە هەژماری تایبەتی خۆی لە فەیسبووک بڵاویکردۆیەوە و رایگەیاند، "بە ئامادەبوونێکی بەرچاو و دیار لە هونەرمەندان و رۆشنبیران و میدییاکان، پانێڵێکیان بۆ شیکاری کارە هونەرییەکانم و ژیانی هونەریم سازکرا."

وتیشی، "پەنێڵەکە لە لایەن نیاز نووری، هونەرمەند و موزیسیان پێشکەشکرا، هاوکات، هەر یەک لە مامۆستا خالید سەرکار، پانێڵێکی بە ناونیشانی "دەستپێک و هاوڕێی تەمەن" د.عادل محەممەد کەریم، پانێڵێکی بە ناونیشانی "رەنگدانەوەی بەهرە لە داهێنانی کارە هونەرییەکانی موزیسیان ئەنوەر قەرەداغی" پێشکەشکرا."

ئەوەش لە کاتێکدایە، بەڕێوەچوون و سازدانی ئەم پانێڵە، لە لایەن سەندیکای هونەرمەندانی کوردستان، بە هاوبەشی رێد ئیڤێنت پلانەر بە ناونیشانی "ئەنوەر قەرەداغی لە نێوان نەغمەی ئاوازو ئەزموونی میدیادا بەڕێوەچوو."

 

PM:02:03:10/02/2025

ئه‌م بابه‌ته 272 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت