رێورەسمی رێزلێنان بۆ محەممەد ئەمین پێنجوێنی سازکرا

‌

وێستگەنیوز_راژان رزگار

دامەزراوەی کەریمی عەلەکە رێزی لە ئەزموونی ژیان و نووسینی نووسەر و کەسایەتی نەتەوەیی "محەممەد ئەمین پێنجوێنی" گرت، هەورەها لە رێوڕەسمێکدا، کەژاڵ ئەحممەدی خانمە شاعیر ئامادەیی هەبووە و چەند سەرنجێکی سەبارەت بە کتێبەکەی خستەڕوو.

لەم بارەیەشەوە، کەژاڵ ئەحممەد، خانمە شاعیری دیاری کورد لە هەژماری تایبەتی خۆی لە فەیسبووک بڵاویکردۆتەوە و رایگەیاند، " بە پێشکەشکردنی باسیک لە مەراسیمی رێزلێنان لە شاعیر و رۆژنامەنووس مامۆستا محەمەد ئەمین پێنجوێنی دا بەشداربووم، کە بە ئامادەبوونی دۆستان و هەوادارانی شیعری مامۆستا پێنجوێنی."

ئاماژەی بەوەشداوە، "لە پوختەی باسەکەمدا سەبارەت بە دیوانی "تەزووی ڕاز و نیاز" کە نوێترین کتێبی مامۆستا محەمەد ئەمین پێنجوێنی یە وتمئەم دیوانە ئەزموونی زیاتر لە 65 ساڵ لە شیعر نووسینی پێنجوێنی لە ئامێزگرتووە، واتا دیوانێکی نوێ و دێرینیشە، رێکەوتی نووسینی شیعرەکان لە ساڵی 1959 وە دەست پێ دەکەن ئەوکاتەی تەمەنی مامۆستا پانزە ساڵ بووە، تا دەگات بەو شیعرانەی ساڵی 2024 نوسیوونی و تا ئێستایش بەردەوامە."

لە رێوڕەسمێکدا لە شاری سلێمانی، لەپاڵ نمایشی فیچەرێک دەربارەی ژیان و تێڕوانینەکانی محەمەد ئەمین پێنجوێنی، هاوکات نوێترین کتێبی چاپکراوی شیعری ئەو نووسەرە بڵاودەکرێتەوە.

PM:02:25:09/02/2025