گۆڤاری ڤێرایەتی پێشبینی بۆ 97مین خولی دابەشکردنی خەڵاتەکانی ئۆسکار دەکات
وێستگەنیوز_راژان رزگار
97مین خولی دابەشکردنی
خەڵاتەکانی ئۆسکار و هەڵبژاردنی باشترین کەسایەتی و بەرهەمە سینەماییەکان لە ڕێکەوتی
3ی ئایاری ئەمساڵدا بە ڕێوەدەچێت.
پاش دابەشکردنی خەڵاتەکانی گۆڵدن گڵۆب، ئێستا زۆرینەی ئاشقانی سینەما
چاویان لەسەر خەڵاتەکانی ئۆسکارە، کە بڕیارە بەم نزیکانە، بەسەر باشترین کەسایەتی
و بەرهەمەکانی سینەمادا دابەشبکرێن.
بەگوێرەی هەڵسەنگاندن و پێشبینییەکانی گۆڤاری ڤێرایەتی ئەمریکی،
ئەمساڵ دابەشکردنی خەڵاتەکانی ئەکادیمیای زانست و هونەری وێنەی جووڵاو، ناسراو بە
خەڵاتەکانی ئۆسکار، کێبڕکێیەکی سەخت هاوشێوەی ساڵانی رابردوو بەخۆوە دەبینێت، پێش
ئەم رێوڕەسمە، هەریەک لە بۆنەکانی "SAG Awards" و"Critics Choice Awards"، کاریگەری گەورە لەسەر کێبڕکێکەی ئۆسکار
دروستدەکەن.
پێشبینییەکانی گۆڤاری
ڤێرایەتی ئەمریکی بەم شێوەیە
دەبێت:
هەریەک لە بەرهەمەکانی "Emilia Perez" و"Conclave"، لە دیارترین بەربژێرەکانی ئەمساڵن و کێبڕکێ
بۆ بردنەوەی زیاتر لە خەڵاتێکی ئۆسکار دەکەن، ئەمەش لەکاتێکدایە، فیلمەکانی:
The Brutalist، Anora وWicked، کێبڕکێی سەرەکییانە بۆ بردنەوەی ئۆسکاری
باشترین فیلم.
لە ئاستی تاکاکەسییدا، دیارترین ئەو ناوانەی هاتوونەتە بەرباس بۆ
بردنەوەی خەڵات، بریتین لە:
خەڵاتی باشترین دەرهێنەر بۆ Brady
Corbet
خەڵاتی باشترین ئەکتەر بۆ Timothee Chalamet
خەڵاتی باشترین خانمە ئەکتەر بۆ Cynthia
Erivo
خەڵاتی باشترین سینەماتۆگرافی بۆ فیلمی The
Brutalist
هەریەک لە فیلمەکانی "Dune: Part Two" و"The Wild Robot" دوو دیارترین بەربژێرن لە پۆلەکانی
تەکنیکی و ئانیمەیشندا.
ئەمساڵ، لە 97هەمین خولی خۆیدا، رێوڕەسمی دابەشکردنی خەڵاتەکانی
ئۆسکار، رێکەوتی سێی ئازار بەرێوەدەچێت.
PM:01:08:09/01/2025
ئه‌م بابه‌ته 136
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت