بڕیارە وەرزی سێهەمی زنجیرەی "Squid Game"بڵاوبکرێتەوە و لیۆناردۆ دیکاپریۆ بەشداری تێدا بکات
وێستگەنیوز_راژان
رزگار
لەمساڵدا تۆڕی نێتفلیکس وەرزی سێهەمی زنجیرەی
بەناوبانگی کۆری "Squid Game" بڵاودەکاتەوە و دەنگۆی ئەوەش هەیە ئەکتەر و ئەستێرەی هۆڵیوود،
لیۆناردۆ دیکاپریۆ بەشداری تێدا بکات.
دوای بڵاوکردنەوەی وەرزی دووەمی زنجیرەی "Squid Game"راستەوخۆ تۆڕی نێتفلێکس دوای کەمتر لە هەفتەیەک ئاشکرای کرد، کە لەمساڵدا وەرزی
سێهەم بڵاودەکرێتەوە، ئەمەش بەهۆی ئەوەی هوانگ دۆنگ هیوک، دەرهێنەری بەناوبانگی
کۆریای باشوور پێشتر ئاماژەی بەوە کردبوو، کە وەرزی دووەم و
سێیەمی زنجیرەکەی لە یەک کاتدا نووسیوە.
گۆڤاری ئۆسینی کۆری لە هەواڵێکیدا ئاماژەی
بەوە کردووە، "ئەکتەری هۆڵیوود، لیۆناردۆ دیکاپریۆ لە وەرزی سێهەمی زنجیرەکەدا
بەشێوەیەکی سەرسوڕهێنەر دەردەکەوێت."
راشیگەیاند، "لە ئێستدا وێنەگرتنی زنجیرەکە تەواو بووە و لە هاوینی ئەمساڵدا
بڵاودەکرێتەوە."
ئەوەش لە کاتێکدایە، لە ساڵی 2022 لە میانی کۆنفڕانسێکی رۆژنامەوانیدا لە رێوڕەسمی
بردنەوەی خەڵاتی "ئێمی"، هوانگ دۆنگ هیوکی دەرهێنەر رایگەیاندبوو،
" لیۆناردۆ دیکاپریۆ رایگەیاندووە، کە ئەو هەوادارێکی زنجیرەی سکوید
گەیمە، ئێمە تەنانەت لەناو خۆشماندا بە گاڵتەوە وتمان، "ئایا پێویست دەکات ئۆفەرێکی بخەینە بەردەست؟"
دوای بڵاوبوونەوەی ئەم هەواڵە، تۆڕی نێتفلیکس بە
پێگەی "سۆمپی"ی کۆری راگەیاندووە، ئەو دەنگۆیانە دوورن لە راستییەوە و
بەشداریکردنی لیۆناردۆ دیکاپریۆ لە وەرزی سێهەمی زنجیرەکەدا بێ بنەمان.
بەپێی راپۆرتێکی گۆڤاری فۆربس، وەرزی دووهەمی
زنجیرەی "Squid Game"، تەنیا لە ماوەی سێ رۆژی پەخشکردنیدا لە 93 وڵاتدا کە تۆڕی
نێتفلێکس تێیاندا بەردەستە، لە رووی زۆریی بینەرەوە لە پلەی یەکەمدا بووە.
جێی ئاماژەیە، وەرزی دووهەمی زنجیرە کۆرییەکە
دوای بڵاوبوونەوەی رووبەڕووی رەخنەی زۆر بووەوە، بەجۆرێک رەخنەگرانی بواری سینەما
بە نمرەی 86% و بینەرانیش بە 64% هەڵیانسەنگاندووە، ئەمەش لەکاتێکدایە، پێشتر
وەرزی یەکەمی زنجیرەکە نمرەی لە 95%ی رەخنەگران و لە 84%ی بینەرانی بەدەستهێنابوو.
PM:04:16:02/01/2025
ئه‌م بابه‌ته 68
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت