دوای ساڵێك دووركه‌وتنه‌وه ده‌ركه‌وته‌وه
نێرگز قادر
وێستگه نیوز ـ
نێرگز قادر، خانمه پێشكه‌شكاری كه‌ناڵی ئاسمانی كه‌ركوك دوای دووركه‌وتنه‌وه‌ی بۆ ماوه‌ی ساڵێك له شاشه، ده‌ركه‌وته‌وه و هۆكاری دووركه‌وتنه‌وه‌كه‌ش بۆ وێستگه نیوز ئاشكرا ده‌كات.
نێرگز قادر، ئه‌مڕۆ چوارشه‌ممه 15ی ئه‌یلوول به وێستگه نیوزی راگه‌یاند: به‌هۆی ئه‌وه‌ی پۆسته‌كه‌ی له پێشكه‌شكاری به‌رنامه‌وه بوو به به‌ڕێوه‌به‌ری به‌رنامه‌كان و گۆڕانكاری له هه‌ندێك له پڕۆگرامه‌كان، ماوه‌ی زیاتر له ساڵێك له شاشه دوور كه‌وته‌وه و سه‌رقاڵی دووباره دانانه‌وه‌ی به‌رنامه‌كان و پێداچوونه‌وه بوو پیایاندا.
وتیشی: "ماوه‌ی زیاتر له 11 ساڵ به‌رنامه‌ی به‌یانی باش كه‌ركوكم پێشكه‌ش ده‌كرد، كاریگه‌ری زۆر باشی هه‌بوو، بۆیه ئێستا گه‌ڕاوینه‌وه بۆ شاشه و (من ده‌پرسم) پێشكه‌ش ده‌كه‌م".
نێرگز قادر، له سه‌رده‌می ده‌سه‌ڵاتی د. نه‌جمه‌دین كه‌ریم، پارێزگاری كۆچكردووی كه‌ركوك، به كچه‌كه‌ی ئه‌و پارێزگاره كۆچكردووه ناسرابوو، له ساڵی 2009ه‌وه له كه‌ناڵی ئاسمانی كه‌ركوك كاری پێشكه‌شكاری به‌رنامه و هه‌واڵه سیاسییه‌كان پێشكه‌ش ده‌كات.
PM:02:40:15/09/2021
ئه‌م بابه‌ته 16876
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت