ڤیدیۆ: کۆمەڵێک زانا دەگمەنترین جۆری گوڵیان دۆزیەوە
پاش 13 ساڵ گەڕان تیمێک لە زانایان لەزانکۆی ئۆکسفۆرد سەرکەوتو بوون لەدۆزینەوەی جۆرێکی دەگمەنی گوڵ لە دارستانەکانی ئەندنوسیا.
لەڤیدیۆکەدا دەرکەوتوە زانای ئەندنوسی"سبتیان ئەنریکی" لەکاتی دۆزینەوەی گوڵی (Rafflesia hasseltii) بەکوڵ دەگری بۆ ئەم دۆزینەوە زانستیەی و لەکاتی گەیشتنی تیمەکە گوڵەکە دەکرێتەوە.
دکتۆر کریس یەکێکە لەو توێژەرەوانەی بەشداری توێژینەوەکەی کردووە لە زانکۆی ئۆکسفۆرد چەندین شەو و ڕۆژ لەناو دارستانەکانی سۆمەترەی ئەندنوسیا بە هاوکاری تیمەکەی گەڕاون بۆ دۆزینەوەی ئەم گوڵە کە تەنها چەند ڕۆژێک لە ماوەی ساڵەکەدا دەکرێتەوە .
لەچرکەیەکی باوەڕپێنەکراودا پاش 9 مانگ لە گەشە کردن تیمەکە لەکاتی کردنەوەی گوڵەکە گەیشتونەتە شوێنی مەبەست و لەو کاتەدا یەکێک لە زاناکان بەناوی ئەنریکی لە خۆشی گەیشتنیان لەکاتی گونجاودا دەستدەکات بەگریان.
دکتۆر سۆرجۆد دەڵێت :" گەیشتنمان لەکاتێکی وەهادا لەبیر ناکرێت بەڕاددەیەک ئێمە لەڕوی سۆزداریەوە کارمان تێکرا و گریاین لەخۆشیدا".
ئەم گوڵە زەبەلاحە جۆرێکی دەگمەنە و لەسەر ڕوەکێکی سەربەخۆ بەشێوەی خۆڕسک دەژی، هەروەها لەماوەی ساڵێکدا تەنها چەند ڕۆژێک لەسەر زەوی دەکرێتەوە بەهۆی بەرەو لەناوچونی سەرچاوە سروشتیەکانی خەریکە خۆشی بەرەو نەمان دەچێت لەبەر ئەوە زانکۆی ئۆکسفۆرد تیمێکی بۆ توێژینەوە لەسەر ئەم گوڵە دروستکردوە".
PM:05:40:29/11/2025
ئه‌م بابه‌ته 72
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت