فێستیڤاڵی بەهار لە سلێمانی بەڕێوەچوو
وێستگەنیوز_راژان
رزگار
رێکخراوی ئاڤیو بە
هاوکاری خانمە دەسترەنگینەکانی گروپی تام و چێژ هەستان بە سازدانی فێستیڤاڵی بەهار
بۆ بەرهەمە ناوخۆییەکان و کارە دەستییەکانی خانمان.
عەزیمە عەزیز، رێکخەری
فێستیڤاڵەکە لە میانەی لێدوانێکدا تایبەت بە وێستگەنیوز رایگەیاند، "ئامانج
لە رێکخستنی ئەم فێستیڤاڵە دەگەرێتەوە بۆ هاتنی وەرزی بەهار، گرنگە لە رێگەی
بەرهەمە کوردەوارییە جۆراوجۆرەکانەوە سەردانیکەرە بیانیەکان ئاشنای بەرهەمی کوردی
ببن، بەڵگەش بۆ ئەمە، نمایشکردنی جل و بەرگی کوردی و ئەو کەرەستانەی بۆ رازاندنەوە
بە کار دێن، خواردنە کوردەوارییە بەهارییەکان، بەرهەمە خۆمەڵییەکانی ناوچە
کوردییەکان، هەموو ئەمانەش کاری دەست رەنگینی خانمانن."
وتیشی، "ئەم
فێستیڤاڵە تەنیا نمایشکردنی کارەکارە جۆراوجۆرەکان نییە، بەڵکو دەرفەتێکە بۆ ئەو
خانمانەی لە ماڵەوە کارەکانیان دەکەن و خاوەن شوێنێکی تایبەتی خۆیان نین و بە
شێوەی ئۆنڵاین کار دەکەن، دەتوانن لێرەدا لە رووی دارییەوە فرۆشی زیاتر یاخود
ناساند بۆ بەرهەمەکانیان بکەن."
هەر لە میانەی
بەڕێوچوونی فێستیڤاڵی بەهارەدا، خانمە دەسترەنگینەکان سەرجی زیاتریانن خستۆتە سەر
ئەو خواردنانەی بەهارەن و لە لایەن هاوڵاتیانەوە ئارەزووی دەکرێت.
ئەوەش لە کاتێکدایە،
فێتیڤاڵی بەهار، لە پارکی ئازادی شاری سلێمانی کرایەوەو بۆ ماوەی سێ رۆژ بەردەوامی
هەبوو، تیایدا 40 خانمی دەسترەنگین بە دروستکردنی بەرهەمە کوردەوارییەکانی وەک، جل
و بەرگی کوردی و خواردنە کوردەوارییەکان، بەرهەمە خۆمەڵییەکان بەشدارییان تێدا کردبوو.
PM:12:52:05/04/2025
ئه‌م بابه‌ته 288
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت