نوێژی تەراویح لە دڵی موسوڵماناندا

وێستگەنیوز_راژان رزگار

لەگەڵ هاتنی مانگی پیرۆزی رەمەزان، راستەوخۆ دوای ژەمی ئیفتار، موسوڵمانان دەچنە مزگەوتەکان و وەک رێوڕەسمێکی ئاینی نوێژی تەراویح ئەنجامدەدەن، ئەم نوێژەش تەنیا شێوازێکی تەراویح نییە لە لای موسوڵمانان، بەڵکو بۆتە نەریتێکی ساڵانە کە رەگ و ریشەی لە کلتوور و داب و نەریتی نێو موسڵماناندا هەیە.

نوێژی تەراویح، یەکێکە لەو رێورەسمە ئاینییانەی لە مانگی پیرۆزی رەمەزاندا لە لایەن موسوڵمانانی جیهانەوە بایەخێکی تایبەتی پێدەدرێت و ماوەی هەزاران ساڵە موسوڵمانان لە دوای نوێژی عیشا لە مزگەوتەکان کۆدەبنەوە و پێکەوە ئەنجامی دەدەن، ئەمەش پەیوەندییەکی کۆمەڵایەتی لە نێوان تاکەکان بەهێزتر دەکات و بەهاکانی هاودەنگی و پشتیوانی یەکتر لە نێوانیاندا قوڵتر دەکاتەوە.

هاوکات، ئەنجامدانی ئەم نوێژە تەنیا عیبادەتێکی تاکە کەسی نییە، بەڵکو دەرفەتێکی راستەقینەیە بۆ پتەوکردنی پەیوەندییە کۆمەڵایەتییەکان، بەو پێیەی دراوسێ و هاوڕی و کەسەکان لە دوای نوێژە کۆدەبنەوە و پیرۆزبایی و دوعا ئاڵوگۆڕ دەکەن، ئەمەش پەیوەندی خۆشەویستی و سۆز و لەنێویاندا زیاد دەکات، هەروەها ئەم رێورەسمانە گوزارشت لە یەکڕیزی موسڵمانان دەکات و جەخت لەسەر گرنگی هاوکاری و برایەتی لە مانگی پیرۆزی رەمەزاندا دەکاتەوە.

AM:11:10:06/03/2025

ئه‌م بابه‌ته 620 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت