فێستیڤاڵی بەفر بۆ یاریزانانی ناوخۆیی و بیانی بەڕێوەچوو

‌

وێستگەنیوز_راژان رزگار

وەک پەرەپێدانێک بە کەرتی گەشتیاری لە وەرزی زستان، کۆمپانیای ڤی کوردستان، فێستیڤاڵێکی ناو بەفری بۆ ژمارەیەک یاریزانی ناوخۆیی و نێودەوڵەتی ئەنجام دا.

لە چەند رۆژی رابردوودا بە سەرپەرشتی ئیدارەی سەربرخۆی سۆران و بەێوەبەرایەتی گەشتوگوزاری چۆمان، کۆمپانیای ڤی کوردستان، هەستا بە ئەنجامدانی فێستیڤاڵی ناوبەفر، کە تێیدا 150 یاریزانی ناوخۆیی و بیانیی بەشداربوون و بۆ ماوەی دوو رۆژ بەردەوامی هەبوو.

لە بەڕێوەچوونی فێستیڤاڵی ئەمساڵدا دەبێت بە 7مین فێستیڤاڵی ناو بەفر کە ئەم ساڵ ئەنجامدراوە، ئامانج کە بەڕێوەچوونی ئەم فێستیڤاڵە، راکێشانی گەشتیاری زستانەیە بۆ ناوچەی باڵەکایەتی و بۆ ئەم مەبەستەش چالاکییەکە لە گوندی وێزەی سنووری قەزای چۆمان دەستی پێکرد.

بەشێکی زۆری فێستیڤاڵەکە تەرخانکرابوو بۆ ئاری خلیسکانێی سەر بەفر و ژمارەیەکی زۆریش لە هاوڵاتییانی ناخۆ و بیانی ئامادەیی یەکەم رۆژ و رۆژانی دیکەی فێستیڤاڵەکە بوون.

هاوکات لە میانەی بەڕێوەچوونی فێستیڤاڵەکەدا یاریزانان چەند بڕگەیەکی دیکەی چالاکییەکانیان ئەنجامدا و نمایشیان کرد.

AM:11:39:16/02/2025