" په‌روه‌رده‌كردنی منداڵ خۆی گه‌وره‌ترین هونه‌ره"
وێستگه‌نیوز-
نیگار ئه‌بوبه‌كر هۆكاری دووركه‌وتنه‌وه‌ی له هونه‌ر باسده‌كات و ده‌ڵێت: "پێم وایه دایك ئه‌گه‌ر بتوانێ دوو تاكی جوان و ته‌ندروست په‌روه‌رده‌بكات، كه نیشتیمانه‌كه‌ی خۆیان خۆش بووێت ئه‌مه گه‌وره‌ترین هونه‌ره".
نیگار ئه‌بوبه‌كر "سه‌میره‌ی وه‌ستا جومعه" دوای زیاتر له 15 ساڵ له وێستگه‌نیوزه‌وه ده‌ركه‌وته‌وه و رایگه‌یاند كه كه هونه‌ری زۆر خۆش ده‌وێت ئه‌و كاتانه‌ی كاری هونه‌ری ده‌كرد "زۆر خۆش بوو".
باس له‌وه‌ش ده‌كات كه هۆكار هه‌بووه بۆ دووركه‌وتنه‌وه‌ی له هونه‌ر و ده‌ڵێت: "نازانم ده‌گه‌ڕێمه‌وه یان نا".
ده‌شڵێت: "یه‌كێك له‌و هۆكارانه په‌روه‌رده‌كردنی منداڵه‌كانمه، دوو منداڵم هه‌یه، پێموایه په‌روه‌رده‌كردنی دوو منداڵ بۆ خۆی هونه‌ره. دایك گه‌ر بتوانێت دوو تاكی ته‌ندروست و باش په‌روه‌رده‌بكات، كه نیشتیمانه‌كه‌ی خۆیان خۆش بووێت، ئه‌مه گه‌وره‌ترین هونه‌ره".
ئه‌وه‌شی خسته‌ڕوو كه ته‌واوكردنی هونه‌ره‌كه‌ی، "په‌روه‌رده‌كردنی دوو تاكی تره، ئومێد ده‌كه‌م دوو تاكی باشم په‌روه‌رده كردبێت كه ته‌واوكه‌ری هونه‌ره‌كه‌ی من بن".
PM:06:59:15/11/2024
ئه‌م بابه‌ته 2108
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت