ئێران خستنەخوارەوەی درۆنێکی پێشکەوتووی ئەمریکای لە گەرووی هورمز راگەیاند

وێستگەنیوز-

ئەمڕۆ سێشەممە، سوپای پاسدارانی ئێران لە راگەیەندراوێکدا ئاشکرایکرد، کە فڕۆکەیەکی بێفڕۆکەوانی پێشکەوتووی ویلایەتە یەکگرتووەکانی ئەمریکایان لە ئاسمانی گەرووی هورمز پێکاوە و خستوویانەتە خوارەوە.

بەگوێرەی راگەیەندراوەکەی سوپای پاسداران، درۆنە ئەمریکییەکە لە جۆری MQ-9 بووە و لە کاتژمێرەکانی بەرەبەیانی ئەمڕۆدا، لە رێگەی سیستمێکی پێشکەوتووی بەرگریی ئاسمانیی دروستکراوی ناوخۆی ئێرانەوە کراوەتە ئامانج.

لە بەشێکی دیکەی راگەیەندراوەکەدا هاتووە، ئۆپەراسیۆنی پێکان و خستنەخوارەوەی فڕۆکە بێفڕۆکەوانەکە لەلایەن هێزی هەوافەزای سەر بە سوپای پاسداران و لەژێر سەرپەرشتی و کۆنترۆڵی تۆڕی یەکگرتووی بەرگریی ئاسمانیی ئێراندا جێبەجێ کراوە.

سوپای پاسداران ئەوەشی خستووەتە روو، کە ئەمە 54ـەمین فڕۆکەی بێفڕۆکەوانە لەو مۆدێلە پێشکەوتووە کە تا ئێستا خستنەخوارەوەی لەلایەن هێزەکانیانەوە رادەگەیەنرێت.

AM:09:14:20/10/2026

ئه‌م بابه‌ته 144 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت