میسر ئامادەیی خۆی بۆ پێشکەشکردنی پاڵپشتیی سەربازی بۆ سعودیە لە دژی حوسییەکان راگەیاند
درێژەی
بابەت:
سەرۆکایەتیی میسر و ئەنجومەنی بەرگریی نیشتمانیی
ئەو وڵاتە رایانگەیاند، وڵاتەکەیان هەموو جۆرە پاڵپشتییەکی پێویست و گونجاو پێشکەش
دەکات بۆ بەرگریکردن لە ئاسایش و سەقامگیری و پیرۆزییەکانی ئیسلام لە سعودیە،
ئەمەش لە کاتێکدایە کە هێرشی حوسییەکان بۆ سەر فڕۆکەخانە و دامەزراوە نەوتییەکانی
سعوودیە چڕ بووەتەوە.
لە کۆبوونەوەیەکدا بە سەرۆکایەتیی عەبدولفەتاح
سیسی و بە بەشداریی سەرۆکی پەرلەمان، سەرۆک وەزیران و فەرماندەی سوپا، داوا لە
پەرلەمانی میسر کرا کۆبوونەوەیەکی نائاسایی ئەنجام بدات بۆ پێدانی دەسەڵات بە سوپا
تا لە کاتی داواکاریی ریازدا بەشدار بێت لە بەرگریکردن لە خاک و ئاسایشی سعودیە.
ئەم هەڵوێستەی میسر دوای تێکچوونی ئاگربەست و
دەستپێکردنەوەی شەڕ لە یەمەن لە نێوان حوسییەکان و حکومەتی یەمەن (کە لەلایەن سعودیەوە
پشتیوانی دەکرێت) دێت، هاوکات پاش سەردانەکەی محەمەد بن سەلمان لە 15ـی ئەیلوول بۆ قاهیرە و جەختکردنەوە لەسەر
پەیوەندییە بەهێزە ئابووری و ستراتیژییەکانی نێوان هەردوو وڵات.
PM:05:33:18/10/2026
ئه‌م بابه‌ته 216
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت