ماکرۆن: تێکەڵکردنی هەسەدە بە سوپای سوریا هەنگاوێکی "یەکلاکەرەوەیە"

وێستگەنیوز-

ئیمانوێل ماکرۆن، سەرۆک کۆماری فەڕەنسا، پێشوازی لە بڕیاری تێکەڵکردنی هێزەکانی سوریای دیموکرات هەسەدە بۆ ناو سوپای سوریا دەکات و بە "هەنگاوێکی یەکلاکەرەوە" بۆ داهاتووی ئەو وڵاتە وەسفی دەکات.

دوای ئەوەی مەزڵوم عەبدی، فەرماندەی گشتیی هەسەدە، بە فەرمی هەڵوەشاندنەوەی هێزەکانی وەک هێزێکی سەربەخۆ و کۆتاییهاتنی ئەرکەکەیانی بە مەبەستی تێکەڵبوون بە لیواکانی سوپای سوریا ڕاگەیاند، سەرۆک کۆماری فەڕەنسا ستایشی ئەم هەڵوێستەی کرد.

ماکرۆن لە لێدوانێکدا ئاماژەی بەوە کرد، هەریەکە لە ئەحمەد شەرع، سەرۆکی سوریا و مەزڵوم عەبدی، ڕۆحی بەرپرسیارێتییان نیشانداوە لە سەرخستنی پڕۆسەی تێکەڵبوونی ئاشتییانەی هێزەکاندا و ئەمەش خزمەت بە سەقامگیری ناوچەکە دەکات.

فەڕەنسا جەخت لەوە دەکاتەوە کە بەردەوام دەبێت لە پاڵپشتیکردنی قۆناغی ڕاگوزەر لە سوریا، بە ئاڕاستەی پاراستنی یەکپارچەیی خاک و سەروەریی وڵات.

هەروەها ماکرۆن دووپاتی کردەوە کە پێویستە لەمەودوا چەک تەنها لە دەستی دەوڵەتدا بێت بۆ ئەوەی ئاسایش بۆ هەمووان دابین بکرێت.

PM:07:11:26/08/2026

ئه‌م بابه‌ته 292 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت