كهشتیی فڕۆكه ههڵگری USS Abraham Lincoln رۆژههڵاتی ناوهڕاست بهجێدههێڵێت
وێستگهنیوز-
بهرپرسێكی ئهمریكی پشتڕاستی كردهوه كه كهشتی فڕۆكه ههڵگری USS Abraham Lincoln رۆژههڵاتی ناوهڕاست بهجێدههێڵێت و كۆتایی به جێگیركردنی نۆ مانگهی له ناوچهكهدا دههێنێت.
كهشتی فڕۆكهههڵگری USS George Washington كه بنكهكهی له ژاپۆنه، له چوارچێوهی خولانهوهی هێزی دهریایی ئهمریكادا جێگهی كهشتی فڕۆكه ههڵگری USS Abraham Lincolnی له ناوچهكهدا گرتهوه.
گهڕانهوهی كهشتی فڕۆكه ههڵگری USS Abraham Lincoln له كاتێكدایه كه نیگهرانییهكی جددی لهبارهی تێكچوونی تهندروستی دهروونی و خراپی بارودۆخی تهندروستی و كهمیی خۆراك لهناو كهشتییهكهدا ههیه وهك ئهندامانی خێزانی تیمی كهشتیوانی كهشتییهكه له راپۆرته میدیاییهكاندا باسیان كردووه.
ئهم نیگهرانیانه سهرنجی كۆنگرێسی بهلای خۆیدا راكێشا و بهرپرسانی هان دا كه مامهڵه لهگهڵ مهترسییهكان بكهن.
سهرهڕای ههوڵهكانی پیت هێگسێس وهزیری بهرگری و دۆناڵد ترهمپ سهرۆكی ئهمریكا بۆ كهمكردنهوهی ئهم نیگهرانییانه و وهسفی هۆنگ كاو وهزیری دهریایی به وهكالهت بۆ ڕووماڵكردنی میدیاكان به "ناپاك"، ئهدمیراڵ براد كوپهر، فهرماندهی فهرماندهیی ناوهندی ئهمریكا سهردانی كهشتییهكهی كرد بۆ ههڵسهنگاندنی دۆخهكه و دانی بهوهدانا كه بڵاوبوونهوه له دهریادا ئاڵنگارییهكی ناوازهیه و تهندروستی دهروونی هاوشێوهی تهندروستی جهستهیی پێویستی به گرنگیدانه.
لای خۆیهوه هێزی دهریایی ئهمریكا رهتیكردهوه هیچ زیادبوونێكی ههوڵی خۆكوژی یان بیری خۆكوژی لهناو كهشتیوانهكانی سهر كهشتییهكهدا ههبێت و دووپاتیكردهوه كه لێكۆڵینهوه له رووداوهكهی 3ی ئاب دهكات كه تێیدا دهریاوانێك كهوته ناو دهریاوه و ڕزگاركرا.
AM:10:38:21/08/2026
ئهم بابهته 416
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت