ڕۆژنامەیەکی ئەمریکی: کوەیت و بەحرەین بە نهێنی هێرشیان کردووەتە سەر ئێران
وێستگەنیوز ـ
ڕۆژنامەیەکی ئەمریکی ئاشکرای کرد، فڕۆکە جەنگییەکانی کوەیت و بەحرەین، لە وەڵامی هێرشەکانی تاراندا، چەندین ئامانجی سەربازییان لە ناوخۆی ئێران پێکاوە.
ڕۆژنامەی وۆڵ ستریت جۆرناڵی ئەمریکی بڵاویکردووەتەوە، فڕۆکە جەنگییەکانی کوەیت و بەحرەین بۆ یەکەمجار لە مێژووی خۆیاندا، بە شێوەیەکی نهێنی هێرشی ڕاستەوخۆیان کردووەتە سەر کۆگاکانی مووشەک و درۆن لە ناوخۆی ئێراندا.
بەپێی زانیارییەکانی ڕۆژنامەکە، ئەم هێرشانە لە سەرەتای ئەم مانگەدا ئەنجامدراون و تێیاندا کۆگاکانی هەڵگرتنی درۆن و مووشەک و چەند بنکەیەکی سەربازیی دیکەی ئێران کراونەتە ئامانج.
باس لەوەش کراوە کە ئیمارات ڕۆڵی گرنگی هەبووە لە سەرخستنی ئۆپەراسیۆنەکەدا و زانیاریی هەواڵگریی ورد و پاراستنی ئاسمانیی بۆ فڕۆکەکانی کوەیت و بەحرەین دابینکردووە.
ئەم هەنگاوە وەک ئاماژەیەک بۆ دروستبوونی هاوپەیمانی و هاوکارییەکی نوێی سەربازیی وڵاتانی عەرەبی دژی تاران لێکدەدرێتەوە، بەتایبەت کە پێشتر ئیماراتیش چەندین جار بە شێوەی ڕاستەوخۆ هێرشی کردووەتە سەر ئێران.
PM:09:45:24/07/2026
ئهم بابهته 112
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت