بەیاننامەیەکی هاوبەش لەنێوان ئیسرائیل، لوبنان و ئەمریکا بڵاوکرایەوە
وێستگەنیوز-
لە بەیاننامەیەکی هاوبەشدا،
هەر سێ وڵاتی ئیسرائیل، لوبنان و ویلایەتە یەکگرتووەکانی ئەمریکا دوای کۆتاییهاتنی
خولی یەکەمی دانوستانەکانی واشنتۆن ڕایانگەیاند، کە ئەم گفتوگۆیانە دەتوانن زەمینە
خۆش بکەن بۆ ئاوەدانکردنەوەی لوبنان و باشترکردنی دۆخی ئابووری ئەو وڵاتە.
بەپێی دەقی بەیاننامە
هاوبەشەکە، تیشک خراوەتە سەر ئەم خاڵە سەرەکییانە:
هەڵوێستی ئیسرائیل: تەلئەبیب
پشتگیری خۆی بۆ چەککردنی گروپە چەکدارەکان و هەڵوەشاندنەوەی ژێرخانە سەربازییەکانیان
لە لوبنان دەربڕیوە. هەروەها ئامادەیی خۆی نیشانداوە بۆ چوونە ناو دانوستانی ڕاستەوخۆ
بە مەبەستی چارەسەرکردنی هەموو کێشە هەڵپەسێردراوەکانی نێوان هەردوو وڵات.
پڕۆسەی چەک کردن: ئیسرائیل
پابەندبوونی خۆی نیشانداوە کە لەگەڵ حکومەتی لوبنان کار بکات بۆ پێشخستنی پڕۆسەی
داماڵینی چەک، بە شێوەیەک کە ئاسایشی هەردوو وڵات پارێزراو بێت.
داواکارییەکانی لوبنان:لایەنی لوبنانی جەختی لەسەر پێویستی جێبەجێکردنی بڕیاری ئاگرەبەستی تشرینی دووەمی
٢٠٢٤ کردەوە و داوای گرتنەبەری هەنگاوی کردەیی و کۆنکرێتی کرد بۆ چارەسەرکردنی قەیرانی
مرۆیی لە وڵاتەکەیدا.
لە کۆتایی بەیاننامەکەدا
هاتووە کە لایەنەکان ڕێککەوتوون لەسەر دەستپێکردنی دانوستانی ڕاستەوخۆ لە کات و شوێنێکدا
کە لەسەری هاوڕابن.
PM:10:27:14/04/2026
ئهم بابهته 348
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت