مەسعود پزیشكیان نامەیەك ئاراستەی خەڵكی ئەمریكا دەكات
وێستگەنیوز-
سەرۆك كۆماری ئێران لەنامەیەكدا
بۆ خەڵكی ئەمریكا دەڵێت، خەڵكی ئێران هیچ دوژمنایەتییەكی لەگەڵ نەتەوەكانی دیكە نیە،
لەوانە خەڵكی ئەمریكا، ئەوروپا یان وڵاتانی دراوسێ و رێگەی شەڕیش تێچووی زۆرە و بێ
ئەنجامیشە.
مەسعود پزیشكیان، سەرۆك
كۆماری ئێران رۆژی چوارشەممە 1ی نیسانی 2026 لەو نامەیەدا داوا لە خەڵكی ئەمریكا دەكات
"لە دەرەوەی گێرانەو سیاسییەكان بڕوانن و پێداچوونەوە بە راستییەكانی
رابردوو، ئێستا و داهاتوویی ئێران بكەن".
پزیشكیان ئەو شتەی كە
"وێناكردن" لە ئێران وەك "هەڕەشە" ناوی لێدەبات رەتدەكاتەوە و
دەڵێت ئەم دۆخە "نە لەگەڵ راستی مێژوویی دێتەو و نەك لەگەڵ راستییەكانی ئەمڕۆكەدا".
سەرۆك كۆماری ئێران ئەم
جۆرە روانینە لە ئێران وەك "هەڕەشە" بە بەرهەمی "بەرژەوەندی سیاسی
و ئابوریی زلهێزەكان" دەزانێت و بە وتەی ئەو "بۆ ئاراستەكردنی گوشار،
پاراستنی دەسەڵاتی سەربازیی، گەشەپێدانی پێشەسازی چەك و كۆنترۆڵی بازاڕەكان"
پێویستان بە "دوژمن سازی" هەیە.
نامەكەی پزیشكیان لەكاتێكدا
كە شەڕی ئەمریكا و ئیسرائیل لەگەڵ ئێران لە پێنجەمین هەفتەی خۆیدایە و تا ئێستاش هیچ
ئاسۆیەك بۆ كۆتایی ئەم شەڕە بەدی ناكرێت.
PM:10:24:01/04/2026
ئهم بابهته 352
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت