ئەردۆغان: تورکیا بێدەنگ نابێت بەرامبەر ئەو ئازارانەی رووبەڕووی گەلانی ناوچەکە دەبنەوە

وێستگەنیوز-

سەرۆک کۆماری تورکیا بە تووندی سەرکۆنەی هێرشەکانی سەر ئێرانی کرد و رایگەهەوڵی تێوەگلانی رۆژهەڵاتی ناوەڕاست لە کارەساتێکی گەورە دەدات.

پێنجشەممە 26ی ئاداری 2026، رەجەب تەیب ئەردۆغان، سەرۆک کۆماری تورکیا رایگەیاند، "جەنگی سەر ئێران بۆنی خوێن و بارووتی بە ناوچەکەدا بڵاوکردووەتەوە، تا وای لێهاتووە منداڵانی بێتاوان لە ناو قوتابخانەکانیاندا دەبنە ئامانجی مووشەکەکان".

ئاماژەی بەوەکرد، "تورکیا جیاوازی لە نێوان برا و دراوسێکانیدا ناکات و بێدەنگ نابێت بەرامبەر ئەو ئازارانەی رووبەڕووی گەلانی ناوچەکە دەبنەوە".

ئەردۆغان بە توندی سەرکۆنەی هێرشەکانی سەر ئێرانی کرد و وتی، "ناوچەکە بە ئازارترین سەردەمی خۆی تێدەپەڕێنێت و تۆڕێکی قڕکردن کە پڕە لە رق و کینە، هەوڵی تێوەگلانی رۆژهەڵاتی ناوەڕاست لە کارەساتێکی گەورە دەدات".

وتیشی، "حکومەتی نەتانیاهۆ تەنیا بە ئامانجگرتنی ئێرانەوە نەوەستاوە، بەڵکو خەریکی جێبەجێکردنی پلانەکانیەتی بۆ داگیرکردنی هەنگاو بە هەنگاوی خاکی لوبنانیش".

دووپاتیکردەوە، "گەل و حکومەتی تورکیا لەکاتی تەنگانەدا دۆست و براکانیان تەنیا جێناهێڵن و بەردەوام دەبن لە پشتگیریکردنی گەلانی ستەملێکراو".

PM:10:44:26/03/2026

ئه‌م بابه‌ته 72 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت