عەباس عیراقچی: بازاڕی نەوت بەهۆی هێرشەکانی ئەمریکا و ئیسرائیلەوە پەکی کەوتووە

وێستگەنیوز-

وەزیری دەرەوەی ئێران رایدەگەیەنێت، تاران بەرپرس نییە لە پەککەوتنی گواستنەوەی نەوت لە ناوچەکەدا، بەڵکو هۆکارەکە هێرشەکانی ئەمریکا و ئیسرائیلە.

عەباس عێراقچی، وەزیری دەرەوەی ئێران لە پەیامێکدا رایگەیاند، "هێواشبوونەوە یان وەستانی بەرهەمهێنان و گواستنەوەی نەوت پلانی ئێران نییە، بەڵکو دەرەنجامی ئەو دەستدرێژییانەیە کە لەلایەن ئیسرائیل و ئەمریکاوە دەکرێنە سەر خاکی ئێران".

ئاماژەی بەوەکرد، "ئێمە گەرووی هورمزمان دانەخستووە و رێگریمان لە هاتووچۆی کەشتییەکان نەکردووە، بەڵام نائارامیی ناوچەکە وای کردووە کەشتییە نەوتکێشەکان لە تێپەڕبوون بترسن".

عێراقچی هۆشداری دا و وتی، "ئەم دۆخە نەک تەنیا بۆ ئێران، بەڵکو بۆ تەواوی ناوچەکە و کۆمەڵگەی نێودەوڵەتیش مەترسیدارە".

AM:09:24:10/03/2026

ئه‌م بابه‌ته 64 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت