میدیای فەرمی ئێران کوژرانی دوو بەرپرسی باڵای سەربازی و سیاسیی وڵاتەکەی راگەیاند

وێستگەنیوز_

میدیای فەرمی ئێران کوژرانی دوو بەرپرسی باڵای سەربازی و سیاسیی وڵاتەکەی لە ئەنجامی هێرشە ئاسمانییەکانی ئیسرائیل و ئەمریکا بۆ سەر تاران و چەند ناوچەیەکی دیکە راگەیاند.

ئەمڕۆیەکشەممە، 1-3-2026 میدیای فەرمی ئێران بڵاویکردەوە، ”عەلی شەمخانی، راوێژکاری باڵای رێبەری کۆماری ئیسلامیی ئێران و محەممەد پاکپوور، فەرماندەی گشتیی سوپای پاسداران لە ئەنجامی هێرشە ئاسمانییەکانی ئیسرائیلدا کوژراون."

کوژرانی ئەم دوو بەرپرسە دەگەڕێتەوە بۆ رۆژی شەممە، 28-2-2026 کە تییدا، ئەمریکا و ئیسرائیل هێرشێکی هاوبەش و بەرفراوانیان بۆ سەر 24 پارێزگای ئێران دەستپێکرد.

دوای دەستپێکردنی هێرشەکان، سپای پاسدارانی ئێران بە مووشەکی بالیستی و درۆن هێرشی کردە سەر بنکەکانی ئەمریکا لە وڵاتانی کەنداو و چەند ئامانجێکی ناو ئیسرائیل.

AM:08:15:01/03/2026

ئه‌م بابه‌ته 152 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت