ئەنجوومەنى سوریاى دیموکرات پێشوازى لە ئاڵوگۆڕى دیلەکان لە سوەیدا دەکات

وێستگەنیوز_

ئەنجوومەنى سوریاى دیموکرات، پێشوازى لە ئاڵوگۆڕى دیلەکان لە نێوان حکومەتى دیمەشق و پاسەوانى نیشتمانیی لە سوەیدا دەکات و بە هەوڵێکی نوێ بۆ هاوبەشی و سازانی نیشتیمانی ناوی دەبات.

ئەمڕۆ هەینی 27-2-2026، ئەنجوومەنى سوریاى دیموکرات لە راگەیاندراوێکدا سەبارەت بە ئاڵوگۆرۆکردنی دیلەکان لە نیوان حکومەتی دیمەشق و پاسەوانى نیشتمانیی لە سوەیدا دەڵێت. " پێویستە ئەم کارە تەنیا بۆ ناوچەیەکى دیارییکراو نەبێت، بەڵکو هەموو جوگرافیاى سوریا بگرێتەوە، بەتایبەت ئەو دیلانەى لە نێوان هێزەکانى سوریاى دیموکرات - هەسەدە و هێزە ئەمنییەکانى سەربە حکومەتى سووریا هەن، لە پرۆسەیەکى شەفافدا ئاڵوگۆڕ بکرێن".

ئەنجوومەنەکە باسى لەوەشکردووە، چارەسەرى دۆسیەى دیل و دەستبەسەرەکان کارێکى لە پێشینەى نیشتمانییە و دەبێتە هۆى پاراستنى ئاشتى کۆمەڵایەتى و هەوڵێکى نوێیە بۆ هاوبەشى و سازانى نیشتمانى.

ئەوەش لەکاتێکدایە، دوێنێ حکومەتى سوریا 61 دیلى پاسەوانى نیشتمانیى دروزەکانى ئازادکرد و پاسەوانى نیشتمانیى دروزەکانیش 25 دیلى هێزە ئەمنییەکانى سوریایان ئازاد کرد، کە لە شەڕ و ئاڵۆزییەکانى نێوان هەردوولا لە هاوینى ڕابردوو دەستگیرکرابوون.

PM:04:30:27/02/2026

ئه‌م بابه‌ته 148 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت