پەرلەمانی ئەوروپا: ئێمە لە پاڵ گەلی ئێرانین و دەكرێت سوپای پاسداران بخەینە لیستی تیرۆرەوە

وێستگه‌نیوز –

سەرۆكی پەرلەمانی ئەورۆپا پاڵپشتی یەكێتی ئەوروپای بۆ گەلی ئێران دەربڕی و بە دووریشی نەزانی سوپای پاسدارانی ئێران بخەنە لیستی تیرۆرەوە.

رۆبرتا میتسۆلا، سەرۆكی پەرلەمانی ئەورۆپا لە پلاتفۆڕمی ئێكس نووسیوێتی، "ناڕازیان و زیندانە سیاسییەكانی ئێران پێویستیان بەپاڵپشتییە و دەكرێت ئەوروپا سوپای پاسداران وەك رێكخراوێكی تیرۆریستی بناسێنێت و بخرێنە لیستی تیرۆرەوە".

بەوتەی سەرۆكی پەرلەمانی ئەوروپا، "خۆپیشاندەرانی ئێران رێڕەوی مێژوو دەگۆڕن و ئێران ئازاد دەكرێت".

دووپاتیشیكردەوە، "ئەوروپا بەتەواوەتی لەگەڵ هاوڵاتی ئێرانن كە داوای ئازادی دەكەن و سەركۆنەی سەركوتكردنی توندی ناڕەزایەتییە رەواكان دەكەین و دەبێت دەستبەجێ‌ هەموو دەستگیركراوەكان ئازاد بكرێن و هێڵی ئەنتەرنێت بەگشتی بگەڕێندرێتەوە و رێز لە مافە بنەڕەتییەكان بگیرێت".

PM:06:43:11/01/2026

ئه‌م بابه‌ته 180 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت