مەسعود پزیشکیان: نابێت خۆپیشاندانەکان ببنە هۆی تێکچوونی سەقامگیری وڵات

وێستگەنیوز-

سەرۆک کۆماری ئێران رایدەگەیەنێت، نابێت خۆپیشاندانەکان ببنە هۆی تێکچوونی سەقامگیری وڵات، ئاماژەی بەوەشکرد، گوێ بۆ داواکاری هاوڵاتییان دەگرن و لێکۆڵینەوە لە کێشەکان دەکەن".

ئەمڕۆ یەکشەممە 11ی کانونی دووەمی 2026، مەسعود پزیشکیان، سەرۆک کۆماری ئێران لەمیانەی چاوپێکەوتنێکی تەلەفزیۆنیدا لەبارەی خۆپیشاندانەکانەوە رایگەیاند، "ئێمە لە نیگەرانی هاوڵاتییانی خۆمان تێدەگەیەین و هەموو خۆپیشاندەرێک تیرۆریست و ئاژاوەگێڕ نییە".

ئاماژەی بەوەکرد، "گوێ بۆ داواکاری هاوڵاتییان دەگرین و لێکۆڵینەوە لە کێشەکان دەکەین، بەڵام نابێت خۆپیشاندانەکان ببنە هۆی تێکچوونی سەقامگیری وڵات".

سەرۆک کۆماری ئێران وتی، "کەرتی ئابووریی و خزمەتگوزاری ئێران پێویستییان بە چاکسازی و ریفرۆمە و لەگەڵ پسپۆڕانی وڵاتەکەمان راوێژ بۆ چاکسازی دەکەین".

PM:03:51:11/01/2026

ئه‌م بابه‌ته 188 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت