ترەمپ بۆ ئێران: ئێمە پڕچەکین و ئامادەی جووڵەین
وێستگەنیوز-
سەرۆکی ئەمریکا پەیامێکی هەڕەشە ئاڕاستەی ئێران دەکات و هۆشداری پێدەدات کە تووندتیژ نەبن بەرامبەر بە خۆپیشاندەران.
ئەمڕۆ هەینی 2ی کانونی دووەمی 2026، دۆناڵد ترەمپ، سەرۆکی ئەمریکا لە تۆڕی کۆمەڵایەتیی تروس سۆشیال رایگەیاند، "ئەگەر ئێران تەقە بکات و بە تووندوتیژی خۆپیشاندەرانی ئاشتیخواز بکوژێت، کە ئەمە نەریتی ئەوانە، ویلایەتە یەکگرتووەکانی ئەمریکا بە هانایانەوە دێت".
لە پەیامەکەیدا ترەمپ دەڵێت، "ئێمە ئامادە و پڕچەکین و ئامادەی جووڵەین".
لە رۆژی یەکشەممەی رابردووەوە، خۆپێشاندان و ناڕەزایی دەربڕین دژی خراپی دۆخی ئابووری و دابەزینی زۆری بەهای تمەن لە تاران دەستیپێکرد، هەروەها رۆژی سێشەممە و چوارشەممە و پێنجشەممە مانگرتن و ناڕەزایی دەربڕین لە ژمارەیەک شاری رۆژهەڵاتی کوردستان و ئێرانیش دەستیپێکرد.
حکومەتی ئێرانیش بەڵێنی داوە، ناڕەزاییەکە بە فەرمی دەناسێت و هەوڵی چارەسەرکردنی کێشەکان دەدات، هەروەها مەسعود پزیشکیان، سەرۆک کۆماری ئێران رایگەیاند، "ئێمە خۆمان بە فەرمانبەری گەلی ئێران دەزانین و هیچ کێشەیەک نییە چارەسەر نەکرێت".
PM:12:00:02/01/2026
ئهم بابهته 248
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت