ئێران مه‌رج بۆ پشكنینی دامه‌زراوه ئه‌تۆمییه بۆردوومانكراوه‌كانی داده‌نێت
وێستگه‌نیوز -
ئه‌مڕۆ پێنجشه‌ممه عه‌باس عه‌راقچی وه‌زیری ده‌ره‌وه‌ی ئێران رایگه‌یاند كه تاران رێگه به ئاژانسی نێوده‌وڵه‌تی وزه‌ی ئه‌تۆمی نادات بگاته ئه‌و دامه‌زراوه ئه‌تۆمییانه‌ی كه له كاتی شه‌ڕی ئه‌م دواییه‌ی له‌گه‌ڵ ئیسرائیل بۆردومان كرابوون تا رێككه‌وتنێكی كۆنكرێتی ئه‌نجام نه‌درێت.
عه‌راقچی له چاوپێكه‌وتنێكدا كه له كه‌ناڵی تێلێگرامی خۆی بڵاویكردووه‌ته‌وه، ده‌ڵێت: "ئه‌و دامه‌زراوانه‌ی هێرشیان كراوه‌ته سه‌ر پێگه‌یه‌كی تایبه‌تیان هه‌یه، تا ئه‌وكاته‌ی بڕیارێك نه‌درێت و رێككه‌وتن له نێوان ئێمه و ئاژانسی نێوده‌وڵه‌تی وزه‌ی ئه‌تۆم و ئه‌وانی دیكه‌دا نه‌كرێت، هاوكار نابین".
له چاوپێكه‌وتنه‌كه‌یدا له‌گه‌ڵ ئاژانسی هه‌واڵی "خه‌به‌ر ئۆنلاین"، كه پێش ئه‌وه‌ی ئاژانسی نێوده‌وڵه‌تی وزه‌ی ئه‌تۆمی بڕیارنامه‌یه‌ك په‌سه‌ند بكات كه داوا ده‌كات ئێران رێگه‌ی پێبدات بگاته دامه‌زراوه ئه‌تۆمییه‌كان ئه‌نجامدراوه، عه‌راقچی ئاماژه‌ی به‌وه نه‌كردووه كه رێككه‌وتنێكی له‌و شێوه‌یه چی پێویست ده‌بێت.
له ناوه‌ڕاستی مانگی حوزه‌یران، ئیسرائیل هێرشێكی ئاسمانی بێ وێنه‌ی بۆسه‌ر ئێران ده‌ستپێكرد و شه‌ڕێكی 12 رۆژه‌ی ده‌ستپێكرد و ئه‌مریكا بۆ ماوه‌یه‌كی كورت به هێرشكردنه سه‌ر سێ دامه‌زراوه‌ی ئه‌تۆمی سه‌ره‌كی ئێران، به‌شداریی جه‌نگه‌كه‌ی كرد.
PM:10:46:20/11/2025
ئه‌م بابه‌ته 200
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت