نیویۆرك تایمز: مۆبایل هۆكاری‌ سه‌ره‌كی‌ ده‌ستڕاگه‌یشتنی‌ ئیسرائیل به‌ فه‌رمانده‌ و زانا ئێرانییه‌كان بوو


وێستگه‌نیوز-
ئه‌مڕۆ شه‌ممه‌ رۆژنامه‌ی نیویۆرك تایمز له‌ زاری به‌رپرسانی‌ ئێرانه‌وه‌ بڵاویكرده‌وه‌ كه‌ به‌كارهێنانی نابه‌رپرسانه‌ی مۆبایل له‌ لایه‌ن پاسه‌وانانه‌وه‌ رۆڵی سه‌ره‌كیی هه‌بووه‌ له‌ ده‌ستڕاگه‌یشتنی هه‌واڵگری ئیسرائیل به‌ فه‌رمانده‌ سه‌ربازییه‌كان و زانایانی ئه‌تۆمی ئێران.


رۆژنامه‌كه‌ به‌ پشت به‌ستن به‌ به‌رپرسانی ئیسرائیلی رایگه‌یاند كه‌ ئیسرائیل له‌ كۆتایی ساڵی 2022ه‌وه‌ چاودێری‌ زانا دیاره‌كانی ئێران ده‌كات.

به‌رپرسانی ئیسرائیل ئاماژه‌یان به‌وه‌ كردووه‌ كه‌ وڵاته‌كه‌یان له‌ مانگی ئۆكتۆبه‌ری ساڵی رابردووه‌وه‌ ده‌ستیكردووه‌ به‌ لێكۆڵینه‌وه‌ له‌ كوشتنی‌ زانا و به‌رپرسانی ئێرانی، به‌ڵام نه‌یویستووه‌ له‌سه‌ر ئه‌و پرسه‌ له‌گه‌ڵ ئیداره‌ی جۆ بایدن، سه‌رۆكی پێشووی ئه‌مریكا به‌ریه‌ككه‌وتن رووبدات.

نیویۆرك تایمز باسی‌ له‌وه‌ كردووه‌ كه‌ لانیكه‌م مانگێك پێش هێرشه‌كه‌ی ئیسرائیل، به‌رپرسێكی باڵای سوپای پاسداران هۆشداری داوه‌ به‌ ژماره‌یه‌ك فه‌رمانده‌ی باڵا و زانایه‌كی ناوداری ئه‌تۆمی ئێران كه‌ ئیسرائیل پلان بۆ كوشتنیان داده‌ڕێژێت.

ڕۆژنامه‌كه‌ روونی كرده‌وه‌ كه‌ ئه‌میر عه‌لی حاجی زاده‌ فه‌رمانده‌ی هێزی ئاسمانی سوپای پاسدارانی ئێران ئامانجی یه‌كه‌می هێرشه‌كانی ئیسرائیل بووه‌.




PM:11:28:30/08/2025


ئه‌م بابه‌ته 456 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت