نزیک دیمەشق بۆردوومان کرا و سێ سەربازی سووریا کوژران
وێستگەنیوز_
سەرچاوەیەکی سووریا دەڵێت، ئیسرائیل بۆردوومانی ناوچەیەکی نزیک لە شاری دیمەشقی کردووە و بەو هۆیەوە سێ سەربازی سوپای سووریا کوژراون.
بەرپرسێکی وەزارەتی دەرەوەی سووریا بە ئاژانسی فرانس پرێسی راگەیاندووە، لە ئەنجامی هێرشێکی درۆنیی سوپای ئیسرائیل بۆ سەر یەکێک لە باڵەخانە سەربازییەکانی یەکەی 44ی سوپای سووریا لە رۆژئاوای دیمەشق، سێ سەرباز کوژران.
بەرەبەیانی دوێنێش سێشەممە، یسرائیل کاتز، وەزیری بەرگری ئیسرائیل رایگەیاند، سوپای وڵاتەکەی لە خاکی سووریا ناکشێتەوە و لەو ناوچانە دەمێنێتەوە کە لەدوای رووخانی دەسەڵاتی ئەسەد لە 8ی کانوونی یەکەمی پار دەستیان بەسەردا گرت.
ئاماژەی بەوەشکرد: "ئامانج لەو بڕیارە پاراستنی کۆمەڵگەی جوونشینەکانە لە بەرزاییەکانی گۆلان، لەگەڵ ئەو وانانەی لە هێرشەکانی 7ی ئۆکتۆبەری [2023] فێری بووین."
AM:08:38:27/08/2025
ئه‌م بابه‌ته 280
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت