لە ئەنجامی هێرشێکی چەکداریدا لە نایجیریا 27 موسڵمان لە کاتی نوێژدا كوژران
وێستگەنیوز_
لە نایجیریا كاتێك موسڵمانانی ویلایه‌تێكی باكووری ئه‌و وڵاته له مزگه‌وت کۆبوونەتەوە به‌مه‌به‌ستی ئه‌نجامدانی نوێژ، ژماره‌یه‌ك چه‌كدار ته‌قه‌یان لێ ده‌كه‌ن و ژماره‌یه‌كیان لێ ده‌كوژن.
ئەمڕۆ سێشه‌ممه، 19ـی ئابی 2025، به‌رپرسانی ته‌ندروستیی نایجیریا بڵاویان كرده‌وه، چه‌ند چه‌كدارێكی نه‌ناسراو هێرشیان كردووه‌ته سه‌ر مزگه‌وتێكی گوندی مالۆمفاشی له ویلایه‌تی كاتسینا له باكووری ئه‌و وڵاته و ده‌ستڕێژی گوللـه‌یان له نوێژخوێنان كردووه.
به‌رپرسانی ته‌ندروستیی نایجیریا نیگه‌رانی خۆیان له باره‌ی ڕووداوه‌كه نیشان داوه و ڕایانگه‌یاندووه، نوێژخوێنانی مزگه‌وته‌كه كۆمه‌ڵكوژ كراون.
بەگوێرەی هەواڵەکان، تا ئێستا له ئه‌نجامی ئه‌م هێرشه‌دا 27 موسڵمان كوژراون و ده‌یانی دیکەش بریندار بوونه و ئه‌گه‌ری به‌رزبوونه‌وه‌ی ژماره‌ی كوژراوه‌كانیش له ئارادایه.
PM:11:06:19/08/2025
ئه‌م بابه‌ته 556
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت