ترەمپ: 10 بۆ 12 رۆژی داهاتوو کۆتا وادە دەبێت بۆ ئەوەی رووسیا لەگەڵ ئۆکرانیا رێکبکەوێت

وێستگەنیوز-

سەرۆکی ئەمریکا کۆتا وادە دەدات بە رووسیا بۆ رێککەوتن لەگەڵ ئۆکرانیا ئاماژە بەوەشدەکات، "سزای ئابووری قورس بەسەر رووسیا دەسەپێنین".

ئەمڕۆ دووشەممە 28ی تەموزی 2025،دۆناڵد ترەمپ، سەرۆکی ئەمریکا رایگەیاند، "زۆر لە ڤلادیمێر پوتین، سەرۆکی رووسیا بێئومێد بووم، بۆیە رەنگە ئەو 50 ڕۆژەی مۆڵەتی پێی دابوو، کەمی بکەمەوە".

راشیگەیاند، "10 بۆ 12 رۆژی داهاتوو کۆتا وادە دەبێت بۆ ئەوەی رووسیا لەگەڵ ئۆکرانیا ڕێک بکەوێت، چونکە هیچ بەرەوپێشچوونێکمان لە بارەی ئاگربەستی نێوانیان نەبینیوە".

ترەمپ هۆشداری دا لەوەی سزای قورس بەسەر رووسیادا دەسەپێنن و وتی، "ئەگەر رێککەوتن لەگەڵ ئۆکرانیا نەکەن، سزای قورس بەسەر رووسیادا دەسەپێنین".

وتیشی، "پێم وا بوو دەتوانم گفتوگۆ لەگەڵ پوتین بکەم، بەڵام چیتر ئارەزووی قسەکردنم لەگەڵ ئەو سەرۆکە نییە".

PM:06:41:28/07/2025

ئه‌م بابه‌ته 456 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت