ترەمپ: دەمانەوێت ئاگربەست لە غەززە رابگەیەندرێت

وێستگەنیوز-

سەرۆکی ئەمریکا رایدەگەیەنێت، دەمانەوێت ئاگربەست لە غەززە رابگەیەندرێت، ئاماژەی بەوەکرد، پارەیەکی زۆرمان داوەتە غەززە.

ئەمڕۆ دووشەممە 28ی تەموزی 2025، دۆناڵد ترەمپ، سەرۆکی ئەمریکا رایگەیاند، "دەمانەوێت ئاگربەست لە غەززە رابگەیەندرێت، لەگەڵ سەرۆک وەزیرانی بەریتانیا قسە دەکەم سەبارەت بە ئاگربەست لە غەززە".

ئاماژەی بەوەشکرد، "پێویستە منداڵانی غەززە خۆراک و ئاسایشیان هەبێت، هەروەها پێویستە وڵاتانی دیکە زیاتر هاوکاری غەززە بکەن و ئێمەش پارەیەکی زۆرمان داوەتە غەززە".

سەرۆکی ئەمریکا وتی، "ئەو بارمتانەی لە غەززە ماونەتەوە دەرچوونیان ئەستەمە".

PM:03:17:28/07/2025

ئه‌م بابه‌ته 360 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت