سەرۆکی ئەمریکا سەردانی سێ وڵاتی رۆژهەڵاتی ناوەراست دەکات
وێستگەنیوز_
ئەمرۆ سێشەممە وادەی سەردانکردنی دۆناڵد ترەمپ بۆ وڵاتەکانی سعوودیە، ئیمارات و قەتەر دیاریکرا.
کارۆلین لیڤێت، وتەبێژی کۆشکی سپی ئەمریکا، وادەی سەردانی دۆناڵد ترەمپ، سەرۆکی ئەمریکای بۆ رۆژهەلاتی ناوەراست راگەیاند و ئاماژەی بەوەدا، لەمانگی ئایاردا سەردانەکەی سەرۆکی ئەمریکا دەستپێدەکات و هەریەکە لە وڵاتانی سعودییە، قەتەر و ئیمارات دەگرێتەوە.
ئاماژەی بەوەشکردووە، بڕیارە لە سەردانەکەیدا ترەمپ دەربارەی ژمارەیەک پرسی ئابوری، سیاسی و بازرگانی لەگەڵ محەمەد بن زاید سەرۆکی ئیمارات، محەمەد بن سەلمان شازادەی جێنشینی سعودییە و تەمیم بن حەمەد، میری قەتەر کۆببێتەوە".
ئەوەشی خستووەتەڕوو، سەردانەکەی ترەمپ لەرۆژی 13ی ئایارەوە دەستپێدەکات و ماوەی چوار رۆژ دەخایەنێت و بڕیارە رۆژی 16ی ئایار کۆتایی بە سەردانەکەی بهێنێت.
PM:08:56:22/04/2025
ئه‌م بابه‌ته 1180
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت