سودانی و ئەحمەد شەرع لە قەتەر کۆبوونەوە
وێستگەنیوز-
ئەمڕۆ پێنجشەممە 17ی نیسانی 2025، محەمەد شیاع سودانی، سەرۆک وەزیرانی عێراق و ئەحمەد شەرع، سەرۆکی سوریا لە قەتەر کۆبوونەوە.
ئاژانسی هەواڵی عێراقی بڵاویکردەوە، بە لەبەرچاوگرتنی خێراتربونی رووداوەکانی ناوچەکە و بە تایبەت دۆخی سوریا، محەمەد شیاع سودانی لەگەڵ ئەحمەد شەرع بە نێوەندگیری میری قەتەر کۆبوونەوە.
ئاماژەبەوەشکراوە، سودانی هەڵوێست و پاڵپشتی عێراقی دووپاتکردووەتەوە و جەختیکردووەتەوە، لەسەر گرنگی هەنگاوی کردەیی و جدی حکومەتی نوێی سوریا بۆ بەرەنگاربوونەوەی داعش، هەروەها عێراق لە نزیکەوە چاودیڕی ئەو پێشهاتانە دەکات کە لە سوریا و وڵاتانی دراوسێی روودەدەن.
داواشیکردووە، هەردوولا هاوکار و هەماهەنگ بن بۆ بونیادنانی پەیوەندییەکان و دروستکردنی میکانیزمێکی نوێی هاوکاری کە خزمەت بە بەرژەوەندییە هاوبەشەکانی هەردولا بکات و ئاسایش و سەقامگیری ناوچەکە بەرزبکاتەوە.
PM:09:19:17/04/2025
ئه‌م بابه‌ته 232
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت