وتەبێژی قەسام: نیوەی بارمتە ئیسرائیلییەکان لەو ناوچانەدان کە داوای چۆڵکردنیان دەکرێت

وێستگەنیوز-

وتەبێژی کەتیبەکانی قەسام رایدەگەیەنێت، نیوەی بارمتە ئیسرائیلییەکان لەو ناوچانەدان کە داوای چۆڵکردنیان دەکرێت، ئاماژە بەوەشدەکات، ئەگەر دوژمن لە خەمی ژیانی ئەو بارمتانە بێت، دەبێت دەستبەجێ دانوستان بکات.

ئەبو عوبەیدە، وتەبێژی کەتیبەکانی قەسام رایگەیاند، "نیوەی بارمتە ئیسرائیلییەکان لەو ناوچانەدان کە لە چەند رۆژی رابردوودا سوپای داگیرکەر داوای چۆڵکردنی کردووە".

ئاماژەی بەوەکرد، "بڕیارماندا ئەم بارمتانە لەو ناوچانە نەگوازینەوە، لە ژێر رێوشوێنی ئەمنیی توونددا بیانهێڵینەوە، بەڵام هەڕەشەکان لە رادەبەدەر مەترسیدارن بۆ سەر ژیانیان".

وتەبێژی قەسام ئەوەشی وت، "ئەگەر دوژمن لە خەمی ژیانی ئەو بارمتانە بێت، دەبێت دەستبەجێ دانوستان بکات بۆ جێهێشتنیان یان ئازادکردنیان".

وتیشی، "حکومەتی نەتانیاهۆ بەرپرسیارێتیی تەواوی ژیانی بەرمتەکانی لە ئەستۆدایە، ئەگەر خەمی ئەوانی بوایە، پابەند دەبوو بەو رێکەوتنەی کە لە مانگی یەکدا واژۆی کردبوو، رەنگە زۆربەیان ئەمڕۆ لە ماڵەکانی خۆیاندا بوونایە".

PM:10:10:04/04/2025

ئه‌م بابه‌ته 172 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت