دادگای کۆریای باشوور: سەرۆکی وڵات هەوڵی سەپاندنی یاسای عورفی داوە و لە پۆستەکەی دوورخرایەوە
وێستگەنیوز_
دادگای دەستووری کۆریای باشوور ئەمڕۆ هەینی، بڕیاری لەکارلادانی بۆ یون سیک یۆل، سەرۆکی وڵاتەکەی بە تاوانی ئەوەی مانگی کانونی یەکەمی رابردوو، هەوڵی سەپاندنی یاسای عورفی داوە، دەرکرد.
بەگوێرەی زانیارییەکانی میدیاکانی کۆریای باشوور، مون هیونگ بای، سەرۆکی دادگا لە کاتی دادگایی کردنەکەدا رایگەیاندووە، "رەفتارەکانی یون، پێشێلی بنەما سەرەکییەکانی سەروەری یاسا و حکومڕانی دیموکراسی کردووە."
سەرۆکی دادگا بڕیارەکەی دژی سەرۆکی وڵات خوێندەوە و وتی: "بە رەزامەندی تەواوی دادوەرانی ئامادەبوو لە دادگاییەکە، یون سوک یۆل وەکو سەرۆکی کۆریای باشور لەکار لا دەدەین."
ئاماژەی بەوەشکرد، یۆن بە تەنها بڕیاری عورفی دەرنەکردووە، بەڵکو پێشێلی دەستوور و یاسای کردووە، بەتایبەتیش لەکاتی کۆکردنەوەی سوپا و پۆلیس بۆ رێگریی کردن لە کۆمەڵەی نیشتمانی بۆ ئەوەی چالاکی خۆیان بکەن.
سەرچاوەیەکی نزیک لە دەسەڵاتی دادوەری ئاشکرای کردووە، دوای دەرچونی بڕیاری دادگا، دەستبەجێ بڕیارەکە جێبەجێکرا، داوای هەڵبژاردنی پیشوەختەی سەرۆکایەتی وڵاتیش بۆ ماوەی 60 رۆژ کرا بۆئەوەی جێی یۆن پڕ بکرێتەوە، زۆرینە پێیان وایە ئەم هەڵبژاردنە لە 3ـی حوزەیران ئەنجام بدرێت.
ئەوەی باس دەکرێت، یەکێک لە هۆکارەکانی ئەم لە کار لادانەی سەرۆکی پێشوو، کۆمەڵەی نیشتمانی کۆریای باشوور بوو کە لایەنی ئۆپۆزسیۆن سەرکردایەتی دەکات.
PM:01:18:04/04/2025
ئه‌م بابه‌ته 376
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت