بەرپرسێکی باڵای دیکەی حەماس لە بۆردوومانێکی ئیسرائیلدا کوژرا
وێستگەنیوز_
ئەمڕۆ هەینی، 4ـی نیسانی2025، لە هێرشێکی ئاسمانی ئیسرائیلدا بۆ سەر شاری سەیدا لە باشووری لوبنان، بەرپرسێکی حەماس بەناوی حەسەن فەرحان ناسراو بە "ئەبو یاسر" کوژرا.
سەرچاوە لوبنانییەکان ئاشکرایان کردووە، فەرحان لەگەڵ کوڕ و کچەکەی لە هێرشێکی ئاسمانیدا لە ماڵەکەیان لە سەیدا کوژراون.
بەر لە ئاشکرابوونی ناسنامەی کوژراوەکان، ئەوە پشتراست کرایەوە کە لە کاتەکانی بەرەبەیانی ئەمرۆدا، فڕۆکەکانی ئیسرائیل شوقەیەکی نیشتەجێبوونیان لە سەیدا کردووەتە ئامانج و بەهۆیەوە سێ کەس کوژراون.
پاش هەڵوەشانەوەی ئاگربەست لەگەڵ حەماس، ئیسرائیل سەرکردە دیارەکانی حەماسی کردووەتە ئامانج و هەتا ئێستا چەند کەسێکیان لە هێرشەکاندا کوژراون لەوانەش؛ ئیسماعیل بەرھوم و سەلاح بەرداویل، عەبدول لەتیف قانوع.
AM:10:57:04/04/2025
ئه‌م بابه‌ته 320
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت