وەزارەتی دەرەوەی توركیا: دەبێت ئیسرائیل لە سوریا بکشێتەوە

وێستگەنیوز-

وەزارەتی دەرەوەی تورکیا رایدەگەیەنێت، دەبێت ئیسرائیل لە سوریا بکشێتەوە، ئاماژە بەوەشدەکات، ئیسرائیل سەقامگیری ناوچەکە دەشێوێنێت.

وەزارەتی دەرەوەی تورکیا لەبارەی کشانەوەی ئیسرائیل لە سوریا رایگەیاند، "دەبێت ئیسرائیل لە سوریا بکشێتەوە، چونکە ئیسرائیل سەقامگیری ناوچەکە دەشێوێنێت".

ئاماژەی بەوەکرد، "دەبێت ئیسرائیل واز لە زیانگەیاندن بە هەوڵەکانی سەقامگیری لە سوریا بهێنێت، چونکە ئیسرائیل برەو بە ئاژاوە و تیرۆر دەدات".

وەزارەتی دەرەوەی تورکیا وتی، "ئەو لێدوانە ئیستفزازیانەی وەزیرانی ئیسرائیل بەرامبەر بە وڵاتەکەمان دەیدەن، رەنگدانەوەی ئەو دۆخە دەروونییەیە تيايدا دەژین".

ئەوەشخراوەتەڕوو، "هێرشەکانی ئیسرائیل بۆ سەر وڵاتانی ناوچەکە دەیکاتە گەورەترین هەڕەشە بۆ سەر ئاسایشی هەرێمایەتی".

PM:11:34:03/04/2025

ئه‌م بابه‌ته 276 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت