ژمارەی گیان لەدەستدان بەهۆی بوومەلەرزەکەی میانمار سێ هەزار کەسی تێپەڕاند
وێستگەنیوز_
وتەبێژی ئەنجوومەنی سەربازیی میانمار ڕایگەیاند، ژمارەی مردووانی بوومەلەرزەکەی میانمار گەیشتە سێ هەزار کەسی تێپەڕاندووە.
ئەمڕۆ پێنجشەممە 3ـی 4ـی 2025، زاو مین تون، وتەبێژی ئەنجوومەنی سەربازیی لە بەیاننامەیەکدا دەڵێت "بەهۆی بوومەلەرزەکەی ڕۆژی هەینی 28ـی 3، ژمارەی مردووان گەیشتووەتە سێ هەزار و 85 کەس، 341 کەسیش بێسەروشوێنن و چوار هەزار و 715 کەسیش بریندارن."
ئاماژەی بەوەشکردووە، لە 17 وڵاتەوە کارمەندانی هاوکاریی و فریاگوزاری هاتوون و نزیکەی هەزار تۆن پێداویستی و کەرەستەی فریاگوزارییان لەگەڵ خۆیان هێناوە.
جەختی لەوەش کردەوە، ئێمە بەردەوامین لە هەڵمەتی گەڕان و ڕزگارکردنی هاووڵاتیان، سوپاس و پێزانینی خۆمان ئاراستەی کۆمەڵگەی نێودەوڵەتی و تیمە پزیشکییەکان دەکەین بۆ هاوکارییەکانیان.
AM:09:04:03/04/2025
ئه‌م بابه‌ته 296
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت