تره‌مپ: به‌مزووانه ئیلۆن مه‌سك ده‌ڕوات
وێستگه‌نیوز-
له كاتێكدا پێده‌چێت دۆناڵد تره‌مپ سه‌رۆكی ئه‌مریكا به رۆڵی ئیلۆن مه‌سك له ئیداره‌كه‌یدا دڵخۆش بێت، به‌ڵام به‌پێی رۆژنامه‌ی "پۆلێتیكۆ"، ناوبراو كه‌سه نزیكه‌كانی چوارده‌وری ئاگادار كردووه‌ته‌وه كه به‌مزووانه مه‌سك ده‌ستبه‌رداری رۆڵه‌كه‌ی وه‌ك هاوبه‌شێك له حوكمكردندا، هانده‌رێكی هه‌میشه‌یی و پیاوێكی توند له واشنتۆن، ده‌بێت.
سێ سه‌رچاوه‌ی ئاگاداری ئه‌و بابه‌ته، رایانگه‌یاند كه ئه‌و دوو كه‌سه (ترامپ و مه‌سك) رێككه‌وتوون له‌سه‌ر پێویستی گه‌ڕانه‌وه‌ی مه‌سك به‌م زووانه بۆ سه‌ر كاره‌كانی و وه‌رگرتنی ڕۆڵی لایه‌نگر.
ئاماژه‌شیان به‌وه كرد كه سه‌ره‌ڕای بڕیاره‌كه هێشتا تره‌مپ، رازییه له مه‌سك و ده‌ستپێشخه‌رییه‌كه‌ی تایبه‌ت به به‌ڕێوه‌بردنی كارایی حكومه‌ت.
جگه له‌وه‌ش، پاشه‌كشه نزیكه‌كه‌ی مه‌سك له كاتێكدایه كه هه‌ندێك له كه‌سانی ناوخۆیی ئیداره‌ی تره‌مپ و زۆرێك له هاوپه‌یمانه‌كانی ده‌ره‌وه بێزار بوون له پێشبینی نه‌كردنی هه‌ڵوێسته‌كانی مه‌سك و پێیانوایه كه بارگرانییه‌كی سیاییه بۆ ئیداره‌كه‌ی تره‌مپ.
لای خۆیه‌وه به‌رپرسێكی باڵای ئیداره‌ی ئه‌مریكا رایگه‌یاند كه ئه‌گه‌ری زۆره مه‌سك رۆڵێكی نافه‌رمی وه‌ربگرێت و وه‌ك راوێژكار بمێنێته‌وه، هه‌روه‌ها ناوبه‌ناو له كۆشكی سپی ئاماده ده‌بێت.
هاوكات به‌رپرسێكی دیكه هۆشداریدا له‌وه‌ی هه‌ركه‌سێك پێیوابێت مه‌سك به ته‌واوی له بازنه‌ی تره‌مپدا نامێنێت، "خۆی فریو ده‌دات".
له‌لایه‌كی دیكه‌وه، ئه‌وانه‌ی به‌رگری له مه‌سك ده‌كه‌ن له‌ناو ئیداره‌ی ئه‌مریكا، پێیان وایه كه كات گونجاوه بۆ دووركه‌وتنه‌وه، به له‌به‌رچاوگرتنی دیدگای ئه‌وان كه ناوبراو ناتوانێت زۆرێك له خه‌رجییه‌كانی ناو ده‌زگاكانی حكومه‌ت كه‌م بكاته‌وه به‌بێ ئه‌وه‌ی هه‌ڵه نه‌كات.
زۆرێك له‌و كه‌سانه‌ی كه له تره‌مپه‌وه نزیكن، زیاتر هه‌ست به ئاسووده‌یی ده‌كه‌ن و چاوه‌ڕوانی ئه‌وه ده‌كه‌ن كه مه‌سك به‌م زووانه ده‌ستبه‌رداری رۆڵی سه‌ره‌كی خۆی ببێت له پاڵ تره‌مپ، به تایبه‌ت كه ترسیان هه‌یه ناوبراو وه‌ك بارگرانییه‌كی سیاسی، بووبێته خاڵێكی كۆبوونه‌وه‌ی دیموكراته په‌رشوبڵاوه‌كان.
PM:07:44:02/04/2025
ئه‌م بابه‌ته 816
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت