وەزارەتی کارەبا: پلانی پێدانی کارەبا لە رۆژانی جەژن سەرکەوتوو بوو
وێستگەنیوز_
وەزارەتی کارەبا دەڵێت، بەرنامەیان بۆ پێدانی کارەبا لە ڕۆژانی جەژن سەرکەوتوو بووە و زیاتر لە 22 کاتژمێر کارەبایان بە هاوڵاتیان داوە.
ئەمرۆ چوارشەممە، 2ـی 4ـی 2025، وەزارەتی کارەبای حکومەتی هەرێمی کوردستان لە ڕاگەیەندراوێکدا دەڵێت، لە ڕۆژانی جەژنی ڕەمەزاندا، زیاتر لە 22 کاتژمێر و نیو کارەبا بە هاوڵاتیان دراوە.
ئاماژەی بەوەشکردووە، بەرنامەیان بۆ پێدانی کارەبا بە هاوڵاتیان لە ڕۆژانی جەژن، بە شێوەیەکی ڕێکوپێک جێبەجێ کراوە.
لە ئێستاشدا، "کۆی گشتیی بەرهەمهێنانی کارەبا لە هەرێمی کوردستان، لە ڕێگەی 15 سەرچاوەی جیاوازە، گەیشتووەتە نزیکەی چوار هەزار مێگاوات."
PM:03:08:02/04/2025
ئه‌م بابه‌ته 220
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت