سەرکردەی پارتی راستڕەو و کاندیدی هەڵبژاردنی سەرۆکایەتی فەرەنسا بە چوار ساڵ زیندانی سزا درا
وێستگەنیوز_
مارین لوپێنى 57 ساڵ، یەکێک لە کاندیدەکانى هەڵبژاردنى سەرۆکایەتیى فەڕەنسا، کە بڕیارە ساڵى 2027 بەڕێوەبچێت، هەروەها سەرکردەی پارتی گردبوونەوەى نیشتمانیی راستڕەوە، لەلایەن دادگایەکی پاریسەوە سزای چوار ساڵ زیندانی و قەدەغەکردنی بەشداریی سیاسی بۆماوەی پێنج ساڵ بەسەردا سەپێندرا. لە بەرامبەردا ناوبراو، سزاکە بە "بڕیارێکی سیاسیی ناودەبات".
بەتۆمەتی گەندەڵی، بەهەدەردانی سەرمایەی یەکێتیی ئەوروپا و دروستکردنی دەرفەتی کاری ساختە لە ناو پەرلەمانی ئەوروپا، سزاى چوار ساڵ زیندانیی بەسەر مارین لوپێن'ـدا سەپێندراوە و قورسترین بەشی سزاکەش بێبەشکردنیەتی لە بەشداریی سیاسی بۆماوەی پێنج ساڵ.
پارتی گردبوونەوەى نیشتمانیی، کە پارتەکەى لوپێنە، بە تۆمەتی کەمکردنەوەی فشارە داراییەکانی سەر خۆی و بەکارهێنانی خەرجیی مانگانەی پەرلەمانی ئەوروپا بۆ پێدانی مووچەی ژمارەیەک یاریدەدەر، کە لەبنەڕەتدا کاریان بۆ پارتەکە کردووە، سزای پێبژاردنىیان بەسەردا سەپێندرا.
بڕیارەکە 24 بەرپرس و کەسایەتیی پارتی گردبوونەوەى نیشتمانیی راستڕەوی گرتووەتەوە و لەسەر ئاستی ناوخۆی فەڕەنساش کاردانەوەی زۆری بەدوادا هات.
لوپێن دەڵێت، سیستمەکەى ئەوروپا بۆمبێکی ئەتۆمیی تەقاندەوە و ئەگەر چەکی بێبەشکردن لە هەڵبژاردنەکان لەدژیان بەکاربهێنرێت، ئەوە لەبەرئەوەیە نزیکبوون لە بردنەوەی هەڵبژاردنە سەرۆکایەتییەکەی فەڕەنسا.
هەروەها دوای بڕیارەکەی دادگا، لوپێن وتی کە ئەمە بڕیارێکی سیاسییە و داوای دانیشتنی خێرا و تانەدانی لە بڕیارەکەى دادگا کرد و دووپاتی کردەوە کە، واز لە سیاسەت ناهێنێت.
لای خۆشیەوە، دادگای تێهەڵچوونەوەی پاریسیش، رۆژی سێشەممە رایگەیاند، بە ئەنجامدانی دانیشتنێکی دیکەی دادگاییکردنی لەساڵی 2026 کار بۆ هەڵوەشاندنەوەی ئەو بەشەی سزاکە دەکەن، کە رێگریی لە بەشداریی سیاسی لوپێن دەکات.
PM:02:14:02/04/2025
ئه‌م بابه‌ته 612
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت