هەڵوێستی کۆشکی سپی و وەزارەتی دەرەوەی بەریتانیا لەسەر پەیامەکەی ئۆجەلان

وێستگەنیوز-

کۆشکی سپی و وەزارەتی دەرەوەی بەریتانیا لەبارەی پەیامەکەی عەبدوڵڵا ئۆجەلان، رێبەری پارتی کرێکارانی کوردستان هەڵوێستی خۆیان راگەیاند.

کۆشکی سپی ئەمەریکا لەبارەی پەیامەکەی عەبدوڵڵا ئۆجەلان، سەرۆکی پارتی کرێکارانی کوردستان بۆ دانانی چەک و هەڵوەشاندنەوەی پە-کە-کە رایگەیاند، "پەیامەکەی عەبدوڵڵا ئۆجەلان یارمەتیدەر دەبێت بۆ هێنانەدی ئاشتی لە ناوچەکەدا".

هەروەها وەزارەتی دەرەوەی بەریتانیا رایگەیاند، "ئێمە پێشوازی لە بەرەوپێشچوون بەرەو ئاشتی و ئاسایش بۆ خەڵکی تورکیا دەکەین کە هاوپەیمانێکی نزیکی ناتۆ و هاوبەشێکی لەمێژینەی دژی تیرۆرە".

ئاماژەی بەوەشکرد، "هەموو لایەک هاندەدەین لە پڕۆسەیەکی ئاشتییانە و بونیادنەردا بەشداربن بۆ دەستەبەرکردنی ئاسایش، سەقامگیری و رێزگرتن لە سەروەریی یاسا".

وەزارەتی دەرەوەی بەریتانیا ئەوەشی خستەڕوو، "بەریتانیا پابەندە بە پشتیوانیکردنی هەنگاوەکان بۆ کەمکردنەوەی ململانێ و پەرەپێدانی سەقامگیری لە تورکیا و ناوچەکە بە گشتی".

AM:12:02:28/02/2025

ئه‌م بابه‌ته 388 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت