ئاژانسی هەواڵی سووریا: پوورزایەکی بەشار ئەسەد دەستگیر کرا
وێستگەنیوز_
بەرپرسانی نوێی سووریا دەڵێن، پوورزایەکی بەشار ئەسەدیان بەناوی عاتف نەجیب، کە پێشتر بەرپسێکی ئەمنیی بووە؛ دەستگیر کردووە.
ئاژانسی هەواڵیی فەرمیی سووریا ئەمرۆ هەینی 31ـی 1ـی 2025، بڵاویکردەوە، هێزە ئەمنییەکانی ئەو وڵاتە عاتف نەجیبیان لە شاری لازقیە دەستگیر کردووە.
ئاماژەی بەوەشکردووە، عاتف نەجیب لە سەردەمی دەسەڵاتی بەشار ئەسەددا سەرۆکی "دەزگای ئاسایشی سیاسیی" دەرعا بووە لە باشووری سووریا.
ئەو کەسە بە سەرکوتکردنی خۆپیشاندەران لە سووریا تۆمەتبارە، لەلایەن وەزارەتی گەنجینەی ئەمریکاشەوە سزای بەسەردا سەپێندراوە.
رۆژی 27ی مانگی رابردووش رەشا خازم، هاوژینی دورەید ئەسەد، ئامۆزای بەشار ئەسەد، لەگەڵ کچێکی لە فڕۆکەخانەی بەیرووتی لوبنان بە پاسپۆرتی ساختەوە دەستگیرکران.
میدیای سووریا ئەو کاتە بڵاویکردەوە، رەشا خازم و شەمسی کچی بە قاچاخ لە سووریاوە چوونەتە لوبنان و ویستوویانە لەوێوە بچنە میسر.
PM:09:15:31/01/2025
ئه‌م بابه‌ته 192
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت