فەرماندەیەکی ئیسرائیل: بەشێک لە بارمتەکانی لای حەماس زیاتر لە هەشت مانگ لەناو تونێلدا ژیاون و رووناکییان نەبینیوە
وێستگەنیوز_
فەرماندەیەکی سەربازیی ئیسرائیل لەبارەی بارمتە ئیسرائیلییەکانی لای بزووتنەوەی حەماس دەڵێت:بەشێک لە بارمتەکانی لای حەماس زیاتر لە هەشت مانگ لەناو تونێلدا ژیاون و رووناکییان نەبینیوە.
ئاژانسی هەواڵی رۆیتەرز لە زاری فەرماندەیەکی سەربازی ئیسرائیلەوە کە زانیارییەکانی لە بارمتە ئازادکراوەکانەوە دەستکەوتووە دەڵێت: بارمتەکان لە ماوەی ئەو هەشت مانگەدا لەناو تونێلەکان زۆر بەکەمی قسەیان لەگەڵدا کراوە.
ئاڤی بانۆڤ، پزیشکی سەربازی لە سوپای ئیسرائیل بە رۆژنامەوانانی راگەیاندووە، هەندێک لە بارمتەکان بەدرێژایی ئەو ماوەیە بە تەنیابوون و هەندێکی دیکەیان پێکەوەبوون.
ئەو پزیشکە سەربازییەی ئیسرائیل دەشڵێت، ئەوانەیان کە پێکەوە بوون باری دەروونی و تەندروستییان باشترە.
بانۆڤ، باسی لە هیچ ئاماژەیەکی ئەشکەنجەدان نەکرد، بەڵام ئەوەشی ئاشکراکرد کە بارمتەکان گوتوویانە لە رۆژانی کۆتایی و نزیک لە ئازادکردنیان مامەڵەی حەماس باشتر بووە لەگەڵیان، رێگەیانداون خۆیان بشۆن، جلوبەرگیان بگۆڕن و خواردنی باشیشیان پێداون.
رۆژی 19ـی 1ـی 2025، دوای زیاتر لە 15 مانگ لە شەڕ و پێکدادان، ئاگربەست لەنێوان حەماس و ئیسرائیل راگەیەندرا؛ و هەتا ئێستا حەوت بارمتەی ئیسرائیل و 290 دەستگیرکراوی فەڵەستینی ئازادکراون.
PM:02:53:28/01/2025
ئه‌م بابه‌ته 336
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت