فەڕەنسا بە تۆمەتی تاوانی جەنگ و كوشتنی هاوڵاتیەكی فەرەنسی-سووریی فەرمانی دەستگیرکردنی بۆ بەشار ئەسەد دەرکرد
وێستگەنیوز_
فەڕەنسا فەرمانی دەستگیركردنی بۆ بەشار ئەسەد سەرۆكی پێشووی سووریا دەركرد.
دەسەڵاتی دادوەری فەڕەنسا، بە تۆمەتی بەشداریكردن لە تاوانی جەنگ و كوشتنی هاووڵاتیەكی فەرەنسی-سووریی لە ساڵی 2017 لە پارێزگای دەرعا، فەرمانی دەستگیركردنی بۆ ئەسەد دەركرد.
جان نویل بارو، وەزیری دەرەوەی فەڕەنسا دەڵێت، تاوانەكانی ئەسەد بە تایبەت ئەو تاوانانەی لە گرتوخانەی سیدنایا ئەنجامدراون، نابێت بە بێ سزا تێبپەرێت.
دوپاتیشیكردووەتەوە كە، فەرەنسا هەوڵەكانی بۆ بەدیهێنانی دادپەروەری لە سووریا چر دەكاتەوە.
لە ساڵی 2023شدا فەرەنسا فەرمانی دەستگیركردنی بۆ ئەسەد دەركرد بە تۆمەتی ئەنجامدانی هێرشی كیمیایی لە ناوچەی غۆتەی رۆژهەڵات لە نزیك دیمەشق لە ساڵی 2013 دا.
AM:11:19:22/01/2025
ئه‌م بابه‌ته 220
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت