کەوتنەخوارەوەی تەلەفریکێک لە ناوچەیەکی گەشتیاری ئیسپانیا 30 برینداری لێدەکەوێتەوە
وێستگەنیوز_
حکومەتی ئیسپانیا رایگەیاند، بەهۆی کەوتنەخوارەوەی تەلەفریکێک لە ناوچەیەکی گەشتیاری ئیسپانیا، 30 کەس بریندار بوون و دۆخی تەندروستی نۆ کەسیان ناجێگیرە.
حکومەتی ئیسپانیا ئەوەی خستووەتە روو، رووداوەکە لە ناوچەی گەشتیاریی ئاستۆن لە باکووری خۆرهەڵاتی ئیسپانیا روویداوە.
ئاماژە بەوەشکراوە، هەشت لە بریندارەکان برینەکانیان سەختە؛ و دۆخی تەندروستی نۆ برینداریش ناجێگیرە و مەترسی لەسەر ژیانیان هەیە.
دوای رووداوەکە، بریندارەکان راستەوخۆ لە رێگای هێلیکۆپتەرەوە گواستراونەتەوە بۆ نەخۆشخانە و چارەسەریان بۆ دەکرێت، دەیان گەشتیاری دیکەش لەسەر کورسییەکانی دیکەی تەلەفریککە گیریان خواردووە و تیمەکان سەرقاڵی هێنانە خوارەوەیانن.
هاوکات، لە ئێستادا لێکۆڵینەوە بۆ دەرخستنی راستی و هۆکاری رووداوەکە دەستیپێکردووە.
PM:02:56:19/01/2025
ئه‌م بابه‌ته 116
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت